媽咪姐
化療暴瘦 達明親證中鉑金毒
2012年09月07日
近日娛樂圈有一個勵志實例！張達明早前被爆患病，經好友黃秋生證實，原來達 Ming患上癌症，不過現正康復當中。唔怪得上年 11月《花心大丈夫 2》之後，佢未再公開露面啦。
至於患咩癌？康復進度如何？達 Ming未有詳細透露，不過佢感激圈中朋友、傳媒嘅關心，除咗喺微博上載近照，仲寫咗封感謝信俾大家。佢話身體因化療積聚一種叫「鉑金」嘅「貴」金屬，即使出去食飯，都可以抽兩滴血當埋單呀。病咗仲識講笑，呢啲咪叫強囉！媽咪姐都希望佢快啲康復出嚟，多啲講笑話俾大家聽。等你呀！達 Ming。
寫信吐病情
達 Ming寫咗一封感謝信俾大家，佢話依家係治理化療後遺症嘅期間，並輕輕講及病情。
鉑金多影響大
據蔡德光醫生表示，化療過程中身體有機會吸收鉑金。而用於治癌嘅鉑，其中一種稱之為順鉑（ Cisplatin），平常可用沖水方法降低鉑嘅數量。但當向蔡醫生講及張達明體內鉑金量比常人多 63倍時，佢即時話：「嘩！呢個情況真係少見啲喎！」人體內鉑金太多會影響腎功能、神經末梢，手腳麻痹，影響活動能力，亦有機會影響聽覺。
藝人回應：
.[忽然1周]化療暴瘦 達明親證中鉑金毒
http://hk8news-d.blogspot.com/2012/09/1_8.html
