《單戀雙城》洪永城扮暴走男勁NG
FACE週刊 第305期
雖然話有人在朝好辦事，但自己都要有實力先至襟擺。 TVB新紮小生洪永城有餘詠珊撐腰、初到無綫即受力捧。拍完旅遊節目《走過烽火大地》，緊接拍劇《單戀雙城》。處男作零經驗已即做男二，明畀靚位佢上。
可惜洪永城做戲經驗少，即使開咗兩個月工，依然 NG頻頻，前週四（ 14日）《單》劇最後一日外景，洪永城依然頻頻食螺絲，一句對白 NG 5次。扮暴走型男表情更加交唔足，激到監製紮紮跳。
Sorry！放工我請飲茶！設計對白
拍幾個表情戲，都要拍足 45分鐘，搞到洪永城都伸曬脷，更難為班劇組人員遲放食飯。
30歲洪永城上年得餘詠珊關照入無綫，即獲委以重任，拍攝重頭旅遊節目《走過烽火大地》。更將佢引薦畀另一高層曾勵珍，瞬間獲拍劇機會。同陳展鵬、陳茵媺、高海寧拍攝新劇《單戀雙城》做第二男主角。
做乜唔跟我學嚇嘢！設計對白
洪永城呢個暴走男 look，先整假髮，由戴耳環、鼻環、畫粗條眉，再加埋 smokey eye眼影。論化妝仲勁過當年周星馳《家有囍事》嗰個，不過搞笑程度就一般啦！
勁食螺絲
場戲講洪永城向林夏薇表白戲，二人加埋對白唔夠一頁紙。做開舞台劇嘅林夏薇駕輕就熟，反而洪永城就一句對白都 NG 5次。
監製教路
新升監製方駿釗見洪永城講一句對白都咁難，即時走埋去教路。
Chok多少少啦！真實對白
洪永城首次拍劇，即做第二男主角，仲可以同高海寧、陳茵媺、林夏薇談情，真係恨死唔少小生。
冇表情累收工
洪永城拍旅遊節目經驗豐富，但拍劇零經驗。開工已被封 NG王。據劇組工作人員透露「佢轉數係快，不過記性麻麻，對白多過兩行已經講唔掂，講得對白嚟又冇表情，呢劇係搞笑為主，佢成日交唔到貨，拍親佢永遠都要超時。」累街坊遲收工咁大罪，好在洪永城相當識做，每次累事後，都會出錢買糖水補飛；又不時搵機會上製作大樓 7樓，搵監製同珍姐傾偈，落足鞋油。
由有線開始到 now，洪永城主要拍旅遊節目。雖然曾大膽露股，但仍冇影響佢健康搞笑形象。
當日被餘詠珊??中拉入無綫，即派去拍《走過烽火大地》，喺無綫有高層撐係唔同啲。
監製扯火
前週四（ 14日）《單》劇最後一日外景，監製方俊釗更親自出馬。該日拍攝洪永城以暴走男造型向林夏薇示愛。雖然《單》劇拍咗兩個月，但洪永城依然未脫 NG王本色，簡單一句「上得我呢架車嘅女人，我就唔會咁易畀你走！」對白，竟然要 NG 5次。即使不用佢講對白，齋擺 chok樣型 pose都一樣唔合監製心意，令監製忍唔住開聲叫佢，「 chok多少少啦，其實好容易做?咋！」搞到原定拍半個鐘嘅戲，超時一個鐘，成組工作人員又俾佢累遲開飯。
未夠班上位
曬冷冇影
上週無綫喺會展搞曬冷騷，今年拍緊同拍完嘅劇，分兩日出嚟騷料。新晉男一陳展鵬企喺第二排有利位置，而上緊位嘅蕭正楠都係企側邊咋。洪永城真係要努力啲喇！
雖然洪永城有餘詠珊力撐，首次拍劇仲做第二男主角。不過無綫等上位小生何其多，比佢有實力兼有後台，亦有唔少，單係陳展鵬、蕭正楠每人都有三、四套劇等上。洪永城想一劇上位，真係唔好 NG咁多先好再諗。
陳展鵬 最力捧
唔計剛播完嘅《心路 GPS》，陳展鵬今年已有 4套劇喺手，仲要全部做第一男主角，分分鐘有力挑戰陳豪同林峯。
《叛逃》、《巨輪》、《單戀雙城》、《情越海岸線》
蕭正楠 多機會
蕭正楠今年發力，播緊嘅《仁心解碼 2》搶鏡，嚟緊多套亦孭重飛做男二。
《巨輪》、《神探高倫布》、《巾幗裊雄之諜血長天》
王浩信 男二王
王浩信由上年《名媛望族》開始穩坐男二王。嚟緊兩套劇都做男二，其中《傳愛事務所》仲會同陳法拉談情，愈做愈上位。
《傳愛事務所》、《飛虎 2》、《好心作怪》
.《單戀雙城》洪永城扮暴走男勁NG
http://veryy8.blogspot.com/2013/03/ng_27.html.《單戀雙城》洪永城扮暴走男勁NG
http://veryy8.blogspot.com/2013/03/ng_27.html
