2013年3月27日 星期三

[FACE 305 本地娛樂] 搶手貨 簽 now棄無綫 佘詩曼反骨價 12萬 1集




真面目

搶手貨 簽 now棄無綫 佘詩曼反骨價 12萬 1集

自王維基搞咗 HKTV搶人後,加上內地求港星若渴,令一眾 TVB小生花旦身價水漲船高。當中最搶手一定係視後佘詩曼。自約滿無綫後更成為皇帝女,多間電視台開曬口要搶佘。

據知原本阿佘因跟隨多年嘅經理人 Tina過檔王維基,令阿佘極有機做 HKTV一姐,可惜最後 Tina被炒,終令 now成功攝位,除開出 12萬一集利誘外,再加埋同阿佘合作開嘅監製劉家豪、梅小青開聲,為錢為人情,阿佘甘做二五女。

37歲佘詩曼自 11年拍完《 4 in Love》之後,便正式約滿無綫,冇約在手的阿佘分外搶手。先後傳出英皇、無綫、 HKTV和 now都極想把佘收歸旗下。不過阿佘一直未動筆,近年只專注北上拍劇。

佘出名有義氣, Tina同阿佘關係密切,加上合作多年,情同姊妹,本想同 Tina共同進退。《忽然 1周》圖片

now重金撬無綫兩位金牌監製劉家豪、梅小青過檔同華策影視合作開劇。華策近年作品唔少係由一線小生花旦孭飛,好似文章,陳喬恩、楊冪等,都有拍華策影視嘅作品。

HKTV撻 Q

阿佘約滿無綫後,一直由跟隨她多年的經理人 Tina(吳青茹)幫她接洽工作,另一方面 Tina亦曾加盟王維基公司,負責幫王維基吹雞搵人,可惜 Tina除咗林文龍同張可頤外,其他當家花旦冇人肯埋班,之後更被王維基開刀炒走。 Tina被炒,阿佘亦無再跟王維基繼續傾合作,加上阿佘開到過 10萬一集酬勞,令王維基嚇窒急縮。

梅小青愛將

阿佘近年喺無綫嘅作品如《公主駕到》及《宮心計》都係梅小青監製作品。而離巢的馬德鐘亦同梅小青關係良好,有傳馬德鐘極有可能夥拍阿佘齊齊開工。

馬德鐘

何麗全去年主動拉攏劉家豪、梅小青過檔 now,據知亦有份斟阿佘幫手拍劇。《蘋果日報》圖片

內地身價 6折

王維基仲未有政府發牌,不過 HKTV依然日日燒銀紙開工拍劇。暫時有叫座力嘅花旦只得張可頤、廖碧兒及一眾老薑。上週亦有在電視節開曬冷大會,不過氣勢明顯不及無綫。《蘋果日報》圖片

王維基簽唔到阿佘,令 now有機可乘,而且 now負責開劇的揸 fit人,亦係跟佘合作開嘅劉家豪、梅小青。加上 now現主力同內地合拍,仲會係現時最受內地歡迎湖南衞視播放,啱曬一心北上嘅阿佘,跟在內地開劇廿萬身價,身價低一截。上週三( 20日) now喺會展舉行記者會,期間梅小青表示會為 now拍攝頭炮劇集「大漢賢後--衞子夫」。問到佢會唔會搵阿佘。她說:「會同一啲以前有合作過,觀眾好鍾意嘅人拍?(係唔係阿佘?) 5月你哋就會知。」,至於畀 now搶走阿佘嘅 HKTV公關鄭小姐就表示冇回應。講到咁出,阿佘走唔甩你掌心啦!

拍胡軍做一姐

阿佘為無綫拍完《 4 in Love》後開始北上拍劇,至今都有 4部作品。初時都係拍住啲港星好似郭晉安、歐陽震華等。但上年開始拍《建元風雲》已同國內一線演員胡軍做對手,仲係劇中女主角。有面亦搵到錢,唔怪得唔願返落嚟香港拍啦!

10年同歐陽震華拍攝《帶刀女捕快》,當時阿佘身價已達 10萬人仔一集,比起無綫 4萬一集高出 2倍。

上年拍攝 50集《建元風雲》阿佘做女主角,除咗男一有胡軍外,亦有呂良偉、馬浚偉等。

徐子珊頂佘

阿佘係收視保證,無綫及 HKTV、 now等都想搵阿佘幫手。因為阿佘仲欠無綫一套劇嘅部頭合約。所以年初有傳阿佘 4月回巢,同黃子華拍《絕代商驕 2》,可惜因子華遲遲未落實檔期,而阿佘又要為 now開工,最終都係傾唔掂,最後由徐子珊頂上。

09年年播映嘅《絕代商驕》當時最高收視 40點,無綫梗係想搵子華同阿佘返嚟,幫手打王維基。

撰文、採訪:娛樂組


.[FACE 305 本地娛樂] 搶手貨 簽 now棄無綫 佘詩曼反骨價 12萬 1集
http://veryy8.blogspot.com/2013/03/face-305-now-12-1-face.html
.[FACE 305 本地娛樂] 搶手貨 簽 now棄無綫 佘詩曼反骨價 12萬 1集
http://veryy8.blogspot.com/2013/03/face-305-now-12-1-face.html