2013年3月27日 星期三

[FACE 305 本地娛樂] 收得密 情敵爆大鑊 古天樂紐約收埋陳喬恩




真面目

收得密 情敵爆大鑊 古天樂紐約收埋陳喬恩

秘戀近 3年, 42歲古天樂和擁有 32D上圍的台灣性感女神陳喬恩終於被台灣傳媒踢爆戀情,但消息一出,就傳分手。

據了解,去年陳喬恩和初戀男友霍建華合作拍劇,據知當時霍曾提出復合,但最終陳喬恩選擇留在古仔身邊,令這位「前度」醋意大發,忍唔住爆古仔喬恩大鑊。而一向口密的古仔,已下令細 9年的女友封嘴,更急急送陳喬恩到紐約,以進修為名、掩住女友把口為實。

陳喬恩的初戀男友,是曾經和關之琳傳緋聞的 33歲台灣男星霍建華, 04年分手後霍曾想翻撻。

陳喬恩 10年前因為同霍建華合作《千金百分百》而撻着,但戲拍完就分手。霍當時話:「她要的太多,而我只要事業,在愛情上,我們總之完全不同。」把口咁絕情,卻暗裏要求喬恩翻撻。台灣《蘋果日報》圖片

陳喬恩同霍建華,上年因拍內地劇《笑傲江湖》而想過翻撻,但喬恩最終選擇古仔,再放棄前度。

自爆失戀

一直未有回應嘅霍建華,本週一突然在官方微博留言,言語間暗示想翻「啅」舊愛,但最終當然失敗,仲講到自己係受害者咁!

被踢爆戀情之後,陳喬恩已經「被安排」到紐約進修,未有對戀情回應。

千做媒

《命》劇爆紅外,擁有 32D身材的陳喬恩拍過內衣廣告。喬恩咁索,又難怪可以將多年冇拍拖的古仔降服。

不過陳喬恩一直不為所動,與澳洲籍男友 Michael拍拖 4年多之後甩拖,直至 09年,喬恩認識古天樂,拍拖至今,知情人士說︰「佢兩個係千嬅做紅娘嘅,千嬅一直都想幫古仔搵女朋友,當時陳喬恩因為拍《命中注定我愛你》已經喺台灣好紅,但香港就唔係好多人識,所以多數都係佢嚟香港搵古仔,千嬅仲搵陳喬恩嚟拍 MV,幫佢哋製造見面機會添。」

不過,古仔劇本一套接一套,最高峰 1年拍 7套電影,所以即使跟陳喬恩拍拖近 3年,見面時間仍少之又少;上年陳喬恩和霍建華合作拍新版《笑傲江湖》,有傳男方又提出復合,希望乘虛而入,再遭陳喬恩拒絕,「有幾次朋友聚會,古仔都有帶陳喬恩出嚟,雖然冇正式介紹,但在場人都心照,亦覺得古仔今次嚟真,陳喬恩亦同朋友講想定落嚟,結婚組織家庭。」

千嬅同古仔相識多年,同丁子高拍拖之後,千嬅一直都希望介紹女朋友給古仔識,每次陳喬恩來港,千嬅亦唔介意做導遊。

11年,千嬅推出國語歌《女人三十》,刻意安排陳喬恩來港拍 MV,順便幫古仔製造拍拖機會。圖片

君如推錯陳妍希

君如好心做傻事,好彩陳喬恩同陳妍希係好姊妹,冇為呢單嘢反面。台灣圖片

上年吳君如到台灣上節目《康熙來了》,自爆做媒撮合陳妍希和古仔,大家都以為古仔仍是單身,「其實陳喬恩同陳妍希一早已經認識,佢哋當然知咩事,只係君如唔知陳喬恩係古仔女友。」

古仔跟喬恩拍拖近 3年都冇人知,但今次突然被篤爆,大家都覺得係霍建華「翻撻」失敗,惱羞成怒,想攬住一齊死,「無啦啦傳分手,當事人都覺奇怪,古仔喺泰國拍戲行唔開,即刻安排女友去咗紐約,亦唔打算公開戀情,唔想愈搞愈大。」本週一,霍建華在官方微博留言「只有放過曾今(經),才能享受現在……」繼續搞風搞雨,又有報道指霍建華同林心如原來已經秘戀 4年。嘩,個關係圖好亂。本週一,記者致電霍建華經理人連俊傑,但至截稿前仍未回覆。

05年患抑鬱

走紅前,陳喬恩已拍唔少台劇, 05年拍完《王子變青蛙》之後,一度傳出她患上抑鬱,有傳是因為此劇只紅了男主角明道,就算在公開場合,陳喬恩亦酒不離手;直至同阮經天合作的《命中注定我愛你》收視大爆後,陳喬恩人氣急升,亦成為廣告女皇,抑鬱才開始遠離佢。

陳喬恩出名飲得, 05年患抑鬱症期間更酒不離手,之後被傳媒發現同老外 Michael拍拖,工作量愈來愈少。台灣圖片

台灣圖片

喬恩泰國探班

近年古仔的片酬已升至 800萬,但仍然有價有市,單是上半年,已接拍《毒戰》、《逃出生天 3D》、《掃毒》和《竊聽風雲 3》,由年初到泰國拍攝至今,難怪陳喬恩要飛到泰國先可以見吓男友。有劇組人員透露,陳喬恩唔會出現片場,但同演員、導演食晚飯,就會同古仔一齊出現。

古仔上年到泰國拍《逃出生天 3D》曾燒傷手,幸有女友探班安慰。

《逃》之後,古仔一直留喺泰國拍另一套戲《掃毒》,其間陳喬恩亦有到泰國探班。

撰文︰娛樂組

攝影︰攝影組


.[FACE 305 本地娛樂] 收得密 情敵爆大鑊 古天樂紐約收埋陳喬恩
http://veryy8.blogspot.com/2013/03/face-305-face_5822.html
.[FACE 305 本地娛樂] 收得密 情敵爆大鑊 古天樂紐約收埋陳喬恩
http://veryy8.blogspot.com/2013/03/face-305-face_5822.html