http://hk8news-d.blogspot.com/2012/08/face_607.html.
FBI
羅仲謙禦准抄始源
2012年08月29日由老旦汪明荃、黃淑儀 孭飛 嘅 TVB新劇《巴不得媽媽》 喺今個星期一播映。老實講， FBI唔係好關心加埋百幾歲嘅汪明荃同黃淑儀，最關心當然係汪明荃戲中仔仔羅仲謙，同埋飾演黃淑儀外甥女 嘅黃智雯呢 pair劇中情侶啦。
楊怡 喺 TVB咁多線眼，大隻謙同黃智雯當然唔敢亂來，不過 FBI就八到一單關於大隻謙 嘅笑料，二五話佢 喺劇入面基本上係得 4套西裝替換，至於點解佢要 著西裝？事關佢 喺劇內飾演富家公子，一向勁錫謙仔嘅監製潘嘉德，想佢好似 啲韓國男團成員咁成日 著西裝斯斯文文，風度翩翩，睇落仲有 啲似 Super Junior嘅靚仔成員崔始源添喎。雖然謙謙被監製 order著西裝，但都唔使得 4套咁慘呀？唔知仲係咪贊助咗 TVB幾十年嘅觀奇洋服呢？始源著開 LV喎！
黃智雯喺劇入面飾演裝修工人，男仔頭又粗魯，但竟然被富家公子羅仲謙睇中，好鬼台韓劇 feel。
《巴》劇宣傳活動上，謙謙同傳過緋聞嘅黃智雯鬼咁好傾，小心楊怡啲線眼報寸呀！
