http://hk8news-d.blogspot.com/2012/08/face_7480.html.
FBI
姚子羚貴袋襯平衫
2012年08月29日胡杏兒同 黃宗澤分手已經成個月，早前有傳胡杏兒班姊妹團唱衰 Bosco，身為杏兒好姊妹之一的姚子羚梗係話冇啦，不過之前出席活動就撐曬姊妹，話杏兒大把人追。
好姊妹大把人追，姚子羚就似乎冇咁多桃花。前週一（ 13日）， FBI喺尖沙咀發現著住件 H&M T恤、孭住個約萬零蚊 Balenciaga手袋嘅子羚，孖住疑似女助手「濕平」， FBI見佢全程悶悶不樂咁，而女助手就好有耐性咁氹佢，行行嚇二人就走入過氣潮地利時商場睇平價貨。話曬撈咗 10年都未去到一線，子羚孭貴袋襯平衫都可以理解嘅。
行行嚇，著住件百多元 H&M T恤、孭住個萬幾蚊 Balenciaga手袋嘅子羚見到二手店櫥窗個 Chanel袋，即刻停喺櫥窗眼甘甘望咗勁耐，但最後都係冇入去買。
行入利時，子羚同其中一間女裝店的老闆傾咗勁耐，睇嚟子羚應該係熟客嚟啦！
