陳自瑤悶到癲 死跟老公出席男人....
http://hk8news-d.blogspot.com/2012/08/blog-post_6384.html.
| ※修身成果漸入佳境的YoYo，偕頭戴cap帽的Vincent參加友人飯局。 | | ※食到中途，吳家樂竟率領一班兄弟外出睇車，認真搞笑。 | | ※眾人食至淩晨時份才齊齊滿足離開。 | | ※YoYo於5月底為Vincent誕下愛女王靖喬，一家三口樂也融融。 | | | | 陳自瑤悶到癲 死跟老公出席男人飯局
2012年8月29日
陳自瑤（YoYo）向來樣靚身材正，即使早前才誕下愛女王靖喬，火速修身下已如做女時一樣，的確振奮不少年輕媽媽的心。日前晚上，素顏上陣的她化身「跟得太太」，偕老公Vincent（王浩信）現身筲箕灣的男人飯局，現場所見，YoYo臉如死灰，悶到發慌時，更索性拎部電話出?螻r咁?酈窗u低頭族」解悶。採訪：張詠森、龍婉琪 30歲的陳自瑤（YoYo）跟細她兩年的Vincent（王浩信）拍拖三年以來，又聚又散，呢頭吵大鑊嗌分手，?儺Y唔夠2個星期又箍煲成功糖黐豆，去年11月11日更突然宣佈拉埋天窗，所以話「世事無奇不有」永遠都係至理名言，難得昔日愛蒲愛玩的Vincent修心養性，樂做湊仔公之餘，事業亦漸上軌道，相信已榮登為王師奶的YoYo絕對可以放心。 Fit爆無贅肉 當晚九時許，素顏上陣的YoYo一身桃紅上衣配以黑色短裙的打扮，偕頭戴Cap帽的Vincent乘的士到東大街參加友人飯局。現場所見，雖然YoYo產女僅3個月，但收身進度明顯不俗，莫講話虎背與熊腰，就連水腫臉都統統消失得無影無蹤。 只見二人從的士下車後，Vincent只顧與友人講電話，冷落一直緊隨身後的YoYo。未幾，悶到發呆的YoYo索性拎部電話出?薊情A實行你有你傾，我有我玩，直到Vincent講完電話，才緊隨對方轉至位於小巷的VIP房出席飯局。 無厘頭睇車 飯局期間，YoYo雖然與Vincent並列而坐，但明顯十句搭唔上一句的YoYo繼續悶到發呆，不時擔天望地玩手指。而有份參與飯局的吳家樂，食到中途竟拉埋袁偉豪、黃長興等友人外出睇車。只見一行七人的他們於街邊指?家樂架車講到眉飛色舞，一時試頭燈，一時又打開車頭及車尾蓋指手劃腳研究配件，認真無厘頭﹗ 眾人食至十二時許，終於飲飽食醉滿足步出，只見整晚化身「跟得太太」的YoYo臉如死灰，由頭悶到尾跟住Vincent打的返歸。 | |
