封面
新免費頻道電視台老細王維基掀起電視挖角潮，表面睇不少花旦小生誓死效忠無綫，加上近日陳總加李寶安出錢出力留人，令王維基呢次電視苿莉花行動好似降曬溫。
正當以為冇料到之際，原來王老闆已差不多埋曬班，據知下年3月王維基嘅「城市電訊」電視台就會正式開工，而且仲同前無綫一姐佘詩曼情投意合。
阿佘心鬱鬱，除安插約滿嘅沙煲姊妹周家怡過檔，據知另一阿佘黨姊妹楊怡亦係王維基拉攏目標，加埋林保怡、馬德鐘和陶大宇等一班中生，計牌面，真係有得鍊吓喎！
無綫雖然留得住一班簽咗長約嘅親生仔女，不過一眾改簽部頭合約嘅一綫小生花旦，就決定向錢看。
三月開工
除一眾無綫藝員成為王維基挖角對象外，連幕後導演、編劇等亦係羅致目標，據知已有大部分精英答應過檔，其中《富貴門》、《怒火街頭》嘅金牌編審劉彩雲亦埋手炮製新劇本，頭炮更以現代鬼故為骨幹。知情人士透露：「王維基話近年無綫都冇乜出色鬼故，呢類劇集有得發揮，已經叫劉彩雲加快手寫劇本，準備做開台第一擊，演員仲度定佘詩曼搭馬德鐘、陶大宇、林保怡三王一後添！」
好姊妹離巢
據知，除咗阿佘極有興趣外，佢仲吹雞好姊妹過檔，而第一個就係10月底約滿嘅老友周家怡。由於周家怡並非無綫親生女，喺無綫捱足13年成績未算突出，阿佘當然會益自己友。本週一（17日）周家怡透過新經理人吳小姐回覆：「家怡家係簽咗經理人公司，遲啲會公布，佢會主力拍國內電視劇。（係咪過檔王維基電視台？）係傾緊，好多公司都傾緊。」
為楊怡搭路
金蘭姊妹周家怡有着落；另一姊妹楊怡，阿佘亦想為佢鋪橋搭路。「阿佘知道楊怡今年視後機會唔算熱門，而且一直覺得新電視台入面，應該加多個有分量嘅花旦，所以咪預佢囉！」對於挖角順利 ，王維基上週五（14日）透過電話說：「我哋有三十位編劇度緊劇本，劇種就唔方便講住；至於藝人方面，因為有啲藝人仲有約在身，起碼要到11月先講得，我哋想搵啲有經驗嘅藝員，所以都會全力向無綫埋手。」就轉會一事，本刊曾致電佘詩曼經理人，但至週一（17日）截稿前仍未回覆。
王維基親挖三中生
除咗佘詩曼外，王維基亦瞄準三大一線兼好戲中生做新劇男主角，其中馬德鐘更直言：「有同王維基食過飯」，加埋兩位前無綫金牌製作人，頭炮夠曬誠意。
親自出動
王維基對藝員挖角，事事親力親為，早前就試過搵李國麟、元華、毛舜筠過檔，雖然好多唔成事，不過個個讚佢夠誠意。
幕前卡士
幕後陣容編審劉彩雲
據知王維基第一部電視劇，係由劉彩雲操刀，而故事內容應該以鬼作為主題，雖然鬼劇難吸廣告，但據聞王維基就係要拍一啲無綫唔敢拍嘅題材。
高級編導蘇萬聰
《潛行狙擊》頭週收視、點擊率勁升，高級編導蘇萬聰功不可沒。將於一月過檔嘅佢，將會升做總導演，大有機會監督王維基頭炮劇集。頭炮拍鬼劇
定軍心
無綫外事部副總監曾醒明：「佘詩曼同TVB係另一種模式合作，佢可以拍境外嘅劇集，如果嗰齣劇集喺香港非無綫播映，咁佢需要配音，唔可以出真聲。至於楊怡過檔？我未有聽聞，佢同TVB有長約。」
阿佘兩劇未出街
周永恆爆樂大媽愛將擦鞋招
小生花旦爆離巢潮，已經令一班無綫高層頭痕，最近周永恆因為疑似被無理解僱，竟狂數無綫高層互相包庇。事緣周永恆指前上司、負責音樂製作的「正視音樂」總監鄧智偉，涉嫌公器私用不果，事後更遭炒魷。周永恆對呢位前上司充滿怒火，上週五（14日）和週一向本刊再爆料：「佢好識做㗎，同啲藝員講話自己同樂小姐好熟，見到樂小姐就話同成班星好熟，等兩邊都信曬佢。」而且仲話鄧智偉專擦一綫小生鞋。他說：「林峯同黃宗澤佢都話好熟，佢試過當住我哋成班面前講：『如果林峯第時係黎明，我就係雷頌德。』」 ####
大茶飯齊齊食
佘詩曼貴為無綫前一姐，喺大陸亦有價有市，王維基如搵到佢助陣，無綫都咪話唔驚！設計對白
姊妹一號
阿佘同楊怡因為《宮心計》一劇成為好姊妹，家有好路數當然會預埋楊怡一份，有劇齊齊開。《蘋果日報》圖片
姊妹二號
周家怡（左）10月約滿TVB，即刻簽咗新公司，仲會主力拍大陸劇。阿佘呢位好家姐，真係唔話得！圖片
《蘋果日報》圖片
馬德鐘有同王維基食過飯，有傾過合作，但冇落實，因為要睇咗劇本同角色。真實對白
陶大宇暫時冇搵我呀，希望你講嘅係真㗎啦！真實對白
林保怡身在北京工作的林保怡，只透過經理人表示不對挖角事情作回應。
代表作《怒火街頭1、2》
代表作《潛行狙擊》
無綫外事部副總監曾醒明阿佘只可拍境外劇集！
王維基挖角，台前幕後都有人流失，令原本不和嘅陳總同李寶安都要暫時扮friend，一齊留人。圖片
《天與地》阿佘，林保怡同陳豪孭飛嘅《天與地》將於11月21日首播，家陣林保怡同阿佘兩位都簽咗部頭，唔知到時兩位會唔會出席宣傳呢?圖片
經理人先過檔阿佘唔只幫周家怡轉會，仲幫前無綫經理人Tina吳菁茹過檔去王維基。據知Tina已在CTI經理人部門返工。圖片
離巢後《4 in Love》《4 in Love》為阿佘改簽部頭合約形式嘅第一套作品，家轉投王維基陣營，令該劇上映有排都上唔到。圖片
《金枝II》唔齊人《金枝慾孽2》下年決定開拍，不過阿佘、林保怡拍續集機會就唔多大。巡禮得番陳豪、鄧萃雯和蔡少芬，不過得番雯女同結咗婚嘅蔡少芬兩位娘娘，唔通真係要靠法拉同徐子珊？
周永恆話收到警告信後，當致電鄧智偉但一直冇聽佢電話，之後以冇來電顯示再電，對方卻接聽，但鄧只對他說：「哦，冇嘢嘅，唔使理佢。」之後便一直潛水。
周永恆雖然被無綫炒魷，不過家靠布導會獻唱，及講見證的酬勞收入，一家人生活冇問題。
唔只同林峯、黃宗澤混熟，鄧智偉同樂易玲亦交情非淺，幾乎所有劇集主題曲都由鄧智偉操刀。
林峯同鄧智偉超friend，林峯唔少hit歌〈愛不疚〉和〈愛在記憶中找你〉等都係鄧智偉作品。
230期《FACE 週刊》
