FBI File
Mr.23歲鼓手杜志烜（Tom）同「陽光妹」Leanne上星期五結婚，喺跑馬地香港足球會筵開20圍。老婆有咗餡，就嚟做人老豆嘅Tom當然唔敢亂fing錢，婚禮前已經「呼籲」來賓最好折現。
雖然有傳Leanne因為涉撬好姊妹Evelyn（蔡穎恩）牆腳令唔少老友藐爆唔到，雙方父母更因唔多滿意呢頭親事而冇影，但有份出席嘅二五就話親眼見到雙方父母現身。Tom喺台上講起Leanne點愛佢對佢點好，更忍唔住流下男兒淚，場面都幾感人。
至於之前話會出席嘅Tom前度Evelyn就真係冇影喇，當日FBI即刻捉住Tom問佢Evelyn點解唔到啦，佢話：「有請佢，不過佢有工作在身，所以嚟唔到，但有SMS恭喜我！」原來係飛咗去倫敦、影緊時裝catalogue嘅Evelyn，喺微博上載當地街頭相，不過就無神神寫咗句說明：「紅豆」。醒目嘅FBI第一時間諗起王菲首慘情歌〈紅豆〉啦，「有時候有時候，我會相信一切有盡頭……。」係Evelyn仍然留戀、定係FBI諗多咗呢?
憑歌寄意
Evelyn單拖去倫敦工作。雖然笑曬口，但就忽然拋一句「紅豆」。似係講緊王菲嘅慘情歌〈紅豆〉，一切盡在不言中。有時候有時候 我會相信一切有盡頭相聚離開 都有時候沒有甚麼會永垂不朽
前度
二人完成註冊後，即行落台接受各賓客嘅祝福，Tom望實Leanne，而Leanne就低頭甜笑。
古怪婚相
場內放咗一張由二人嘅攝影師好友影嘅結婚相，相中二人唔係攬實曬恩愛，而係古靈精怪，都幾潮。 ####
佗住3個月BB Leanne，當日早上女家斟完茶後，就同老公Tom去到土瓜灣翔龍灣愛巢向男家斟茶。Tom攬到老婆個肚實一實，小心動胎氣呀!
由Mr.成員同LMF成員等組成兄弟團有成10人，相反姊妹就得6人。同Evelyn勁老友Anjaylia（陳嘉寶，右一）亦有份做姊妹。FBI聽聞佢一向同Evelyn及Leanne老友， 絕對唔係兩頭蛇。
（網上圖片）
230期《FACE 週刊》
