FBI File
阿Lam林子祥說話唔多，留番啖口水唱歌，身形唔高，不過專吼高妹，仲要似係葉蒨文呢種竹升妹。所以話有其父必有其子，阿仔林德信（Alex）學足爸爸九成！
今年26歲嘅林德信簽咗環球，年尾出道，前排FBI就撞到Alex同班朋友喺中環蒲完步行返屋企。成班人睇衣着、睇說話口脗，九成九同Alex一樣鬼聲鬼氣，孭住兩支結他嘅Alex雖然喺朋友堆中說話唔多，不過道別時一樣有高佢成半個頭，皮膚黑黑哋嘅少女陪住行返屋企。有才有樣，多女冧啦！
林德信年尾出道，阿Lam話過呢個仔平時仲沉默寡言過自己，而細女April就更加「收埋」。 ####
高妹講嘢嗰陣，Lam仔𠌥曬身細心聽，冧女有一手。
230期《FACE 週刊》
