2011年10月15日 星期六

[忽然一周.直接睇]節目未播即添食 吳綺莉撈養女




娛一叮

今年8月,吳綺莉帶埋快將十二歲的小龍女卓林,正式由上海回流香港定居。反觀背妻偷食搞大人個肚的成龍,卻因為近年形象插水被迫撤離香港,長駐大陸。

吳綺莉今次高調回港,即以528萬買下大尾篤三層村屋,又安排女兒就讀沙田出名貴的基督教國際學校,打算落地生根。香港開支大,吳綺莉近日積極搵錢途,除了打算開畫廊及兒童畫室,亦決定重現幕前,為無綫主持清談節目。

在節目中,單是她大方談及成龍已夠話題性,她更拍心口表示,一定可遊說老友邱淑貞出山做訪問。難怪節目未出街,已成功冧掂無綫加碼添食五集。戮力撈,無非為圓女兒入讀哈佛的夢想。



據知吳綺莉今年初部署回流香港時,其契哥曾展章(有線電視企業執行董事兼總經理)早已安排她在有線主持飲食節目。不過消息傳出後,無綫即主動聯絡吳綺莉,軟硬兼施,除表明若她做有線主持,無綫以後永不錄用外,又重金禮聘撬埋有線監製薑國權過檔。吳衡量過無綫始終是大台,惟有犧牲契哥,答應為無綫主持清談節目。

酬勞加一半

吳綺莉的新節目《女人有話兒》,將於九月初無綫生活台播出十三集,被邀嘉賓可謂粒粒巨星,頭一、兩集有吳君如及袁詠儀助陣。吳綺莉回港後,即成為傳媒焦點,而她亦食住條水,就算記者問及有關成龍和女兒的問題,她都毫不迴避大方回答。憑住急升的人氣,吳近日主動向無綫多五集,酬勞更由原來八千蚊一集加至一萬二千,又拍心口話遊說到婚後極低調的邱淑貞出山,大談女兒經,無綫初步亦答應加碼。

吳綺莉多年來與女兒卓林相依為命,早在五月時,已買下528萬遠離市區的大尾篤三層村屋,而出入的甲蟲車則由老友邱淑貞借出。她最重視女兒學業,平日慳家的她,毫不吝嗇安排卓林入讀沙田的國際學校,更每天管接管送,全天候服侍個女。

去邊都拖到實

記者連日採訪,發現她們兩母女感情親密,去到邊都拖到實。上周三,吳綺莉接女放學後便到大埔市中心,兩人先在日本百貨公司逛了一會,然後就四處問路,原來要到屋邨內的日本城大肆購買日用品。

吳綺莉看來是個精明的師奶,每件貨品都細心查閱兼格價,最後兩人買了五大袋,男店員更為她們拎到車上。然後她到超市為晚飯準備,吳每揀一樣餸都會問小卓林是否想食,兩母女有商有量,十分溫馨。



8月13日 暴脹師奶look

多年退居幕後的吳綺莉,身形暴脹不少。8月13日下午,她與小龍女到銅鑼灣行街,T恤牛仔褲踢拖,加上素顏師奶look,全無星味。看來要重返幕前,她要努力keep fit兼裝身。

大方談成龍

吳在訪問中,曾大讚卓林樂觀活潑,「佢係天蠍座,活潑、主動,鬼主意多,唔怕醜,會主動同陌生人傾偈。」就連卓林的生父是成龍,兩母女都不會刻意避談:「我同個女咩都傾,由佢懂性已經同佢講過,媽咪年輕時,因為任性好勝,做錯事。我同個女講千祈唔好重蹈覆轍,由細到大都同佢洗腦,要搵個正常男朋友拍拖結婚。佢都有問過點解佢無爸爸,我就教佢,人哋有嘅嘢你冇,唔好去恨,等如你有嘅嘢,人哋都未必有。之後佢就冇再問我呢個問題,亦從來冇講過要見爸爸。」可能因為卓林沒有爸爸,吳綺莉對她特別嚴厲:「以前我會體罰,試過用皮帶打佢屁股,依家大個唔會打。又試過罰佢雙手舉起《辭海》企兩個鐘。」

轉眼十二年,吳綺莉視女如命,亦要面對女兒長大青春期,「個女開始要私隱,要我入房前敲門,電話又set密碼。我有心理準備佢十八歲讀大學離開我去外國。」她又透露卓林想做獸醫,理想是考入美國哈佛大學,吳又計劃多多,除了主持節目,又計劃開一間啟發小朋友潛能的教室及畫廊。

多年來謝絕男人埋身的吳綺莉,果真變成全天候廿四孝母親。

成龍賣親情搞慈善

門前有墳陰氣重



吳佩孚:改後門出入

玄學家吳佩孚表示:「門口對正墳墓當然唔好,若屋內住的全是女人,陰氣會更易積聚,而陰氣重就會影響健康同人際關係,最好搵嘢遮擋,或者改用後門出入,避免喺墳前行來行去,騷擾先人。」 ####



離去時,卓林自動自覺亦幫忙拿東西,十分乖巧。



8月11日 冒雨湊女

當日下午5時許,吳綺莉駕車接女放學,當時突然滂沱大雨,無帶遮嘅卓林極速跑上車。睇佢冒雨蹦蹦跳笑住上車,盡顯樂觀個性。



卓林買的都是日本城的平價文具,可見她日常生活與普通家庭的孩子沒有太大分別。



吳綺莉揀日常用品十分細心,例如買水煲,先比較重量、價錢後,才撲槌購買。



之後,吳綺莉在超市買了新鮮牛肉及蔬菜,又買了一些生果,返家煮飯仔。買餸期間,她每每問過卓林想吃甚麼才決定購買,認真廿四孝母親。



8月11日,吳綺莉的新節目《女人有話兒》舉行記招。關寶慧(左)及袁詠儀(右)兩位嘉賓特來撐場,活動中吳綺莉自爆與靚靚同年選美,加上都是童星做起,所以份外惺惺相惜。



去年12月,吳綺莉在上海搞了個畫展,更帶埋卓林現身,與傳媒見面,好讓女兒預先適應,亦為香港開畫廊鋪路。



卓林就讀的基督教國際學校,初中生每年的學費連書簿費,大約十一萬,除正常開支,學校尚有其他雜費,加上去年校方要求新生在入學前要購買價值19萬元的學校債券,學費咁貴,吳綺莉當然要撲水了。





卓林似乎十分愛街頭小食,邊行邊食雞蛋仔。



兩母女拖到實,連吳綺莉聽電話都沒有離開卓林的手。



8月17日,就新節目添食一事求證吳綺莉,她左閃右避說:「未知未知,唔講得住!(遲啲做嘢邊個湊女?)我會安排好,冇問題嘅!」



多年來對成龍風流隻眼開隻眼閉的林鳳嬌,早前被問起吳綺莉時,她都忍不住黑面說:「這種無聊問題,請不要問!」台灣《蘋果日報》圖片





吳綺莉帶女返港定居,成龍卻大賣親情,在微博hard sell兒子房祖名。





近年長駐北京的成龍,大部分時間喺大陸工作。參與慈善活動的他,於大陸成功洗底。



吳綺莉的村屋面前,對正一座山墳,本身信奉基督教的她,雖然百無禁忌,但大門前都起了一堵高圍牆擋一擋。



吳琦莉的屋若長期落簾,陽光未能入屋,會聚了陰氣,吳佩孚提議可改由後門進入,減少與山墳的正面「衝撞」。




838期