博出位
藝人愛將chok樣放微博，冧爆fans，不過，原來病樣比chok樣更加引起fans注意，好似方力申、張智霖同GEM，近日不約而同患上眼疾，更無懼將醜樣腫眼相公之於世，結果惹來大班fans與好友留言問候，呢招苦肉計真係萬試萬靈。
8月12日，方力申因為腰痛，去針灸兼食消炎藥，不過卻因為藥物敏感，搞到雙眼腫到變乒乓波，令正在拍電影《致命閃玩》嘅佢不但要停廠，仲要匆匆入院打針消腫，佢仲自嘲變了「鹹蛋超人」。
Stephy奇異果眼
而方力申的緋聞女友Stephy近日亦因為失眠搞到眼腫腫，不過貪靚嘅佢就冇男友咁大方將腫眼相放上網，不過佢一樣好識玩自嘲，自封為「奇異果眼」。另外，自認論盡嘅佢亦唔小心夾到隻手指又紅又腫，真係禍不單行。
葉佩雯火氣猛
因為感冒去刮痧的葉佩雯，展示她的血紅肉背，相當嚇人。而玩開搖滾嘅佢仲搞笑話自己仲有一團火，睇起上嚟，佢團火都依然好猛。
張智霖血紅眼
張智霖最近戴着黑超上《變身男女chok chok chok》節目時，自爆右眼爆微絲血管，更將爆眼相放上微博，嘩！真係爆得好犀利呀！
G.E.M.紅眼症
懷疑患上紅眼症的G.E.M.，雖然眼睛又紅又癢，但因為工作關係，還要戴着隱形眼鏡工作，難怪佢話睇嘢矇查查。
舒淇 梁詠琪遮面黨
近日，雙「淇（琪）」齊齊在微博自爆患感冒，仲一個戴口罩一個攬被遮面，病容我見猶憐。 ####
隻眼差啲擘唔大！（設計對白）
12/8
13/8
14/8
838期
