媽咪姐手帳
呢排晚晚喺屋企睇《荃加福祿壽探案》，笑吓又一晚，都OK！見到李思捷扮偵探發表偉論，就令媽咪姐諗起早前撞到佢同胡杏兒拍新劇《換樂無窮》嘅外景。當日，佢遲大到，要成班人等。卒之，未瞓醒嘅李生要場記幫佢買「麥當勞」，向黑面胡杏兒賠罪。但佢轉頭又好有精神去指揮導演擺位、改對白喎，仲將一大支煙頭隨街彈。唔知呢啲叫「阿哥」風範，定係鬼仔性格呢？
話曬胡杏兒都係TVB阿姐級，李思捷都未敢亂嚟！去到現場，即刻同佢say sorry，仲買埋「麥記」兼遞茄汁。咁其他等佢嘅人呢？睇你唔到，睇你唔到。
煙頭隨街彈
等埋位，李思捷企埋一邊扯煙。呼……爽呀！扯完，支煙頭就直接彈落地面（紅圈）。有啲公德心好喎，香港人。 ####
開工唔知醒
見李思捷頭都未梳，就知佢瞓到唔知醒，難為胡杏兒晨早流流已經化曬妝等佢。
846期
