媽咪姐手帳
同樣係富貴港姐嘅林莉，轉戰模特兒界之後愈見性感。
周一（15日），林莉出席時裝預展，着住deep v連身裙嘅佢，夾出3吋事業線，成為全場最搶鏡嘅一個。見攝影哥哥圍住影相，佢仲甫士多多，搔首弄姿，戮力到個胸都出曬汗。
另一邊廂，包到實嘅廖碧兒亦異常咁風騷。又難怪嘅，早排緋聞男友林忠豪公開護花，仲表明有意追求。不過當日廖碧兒懶cool咁回應︰「多謝佢嘅讚賞，自己都係努力工作先。」咁強調專注工作，咁係咪請林生食檸檬先？ 係又唔拘呀，港女又多個希望。 ####
林莉將頭髮左撥右撥，密密擺甫士，搞到乳溝出曬汗。
胸搶鏡，籮柚亦有「睇頭」。當日林莉條裙好貼身，底褲邊透現。不過底褲緊過頭，大髀肉借勢唧埋出嚟，成個股形岩岩巉巉。
廖碧兒着得密實，不過容光煥發，絕對似一個戀愛中嘅女人。
838期
