怒火街頭 怕講錯嘢 蒙嘉慧、張可頤拒上台 張可頤,蒙嘉慧,MF,

張可頤、蒙嘉慧雖然冇上台發言，但由中環 9號碼頭行到政總，沿途冇 hea一路行一嗌口號，嗌足 10分鐘，非常有心。

真面目

怒火街頭　怕講錯嘢　蒙嘉慧、張可頤拒上台

HKTV不獲發牌，激發 12萬人上街遊行。為咗睇電視，連師奶都可以去到好盡！市民肯發聲，偏偏娛圈中人，除咗 HKTV嘅藝員，其他肯出聲嘅一隻手數得曬。講到尾都係驚被無綫秋後算賬，而當日出席集會嘅蒙嘉慧、張可頤，雖然坐足 4粒鐘，但都唔敢上台開咪撐，最後一線藝員只得林文龍夠膽上台發言。其實有 12萬人背後支持，唔怕大膽啲啦！

其他影片

• 小強 Tommy都話撐
• 維基整喊美棋 BB

上週二（ 15日）香港電視不獲政府發牌，翌日即裁 320名員工，令一眾員工相當徬徨，除咗員工外，一眾藝員更為擔心，事關電視圈在可見未來仍然由 TVB一台獨大。由無綫過檔嘅藝員更驚被視為黑名單，想再喺無綫蒲頭有排講數。

拒絕上台

將抵達政府總部，一眾 HKTV工會成員即同蒙嘉慧、林嘉華等密斟，交代一陣集會事宜，不過兩人最終沒上台。

文龍怒吼

你（蘇錦樑）係咪男人嚟㗎？（真實對白）

當日上台最紅藝人為林文龍，他當日更指商務及經濟發展局局長蘇錦樑唔係男人。

玉翠哭訴

煮嘢食唔落雞汁！（真實對白）

劉玉翠係第一個上台發言嘅 HKTV藝員，喺台下已經喊到收唔到聲，喺台上發言更為激動，更話：「自己煮嘢食唔落雞汁，好 natural！」明寸 May姐。

隱形苦主王維基

《蘋果日報》圖片

王維基冇現身政總，但透過 HKTV facebook發言答謝市民支持，示威當日被拍得全黑喺馬會出現。

兩位集會統籌

《警界線》總導演蘇萬聰

為導演組代表，其作品《警界線》點擊率接近 80萬。集會期間擔任主持工作，及各頂統籌事務。

工會主席楊志豪

香港電視工會主席楊志豪，為今次遊行集會嘅發言人。為一眾 HKTV員工及藝員發聲，及為一眾失業員工解決就業問題。

「堅持公義大聯盟」發言人劉順安

主力為幕後員工發聲，爭取褔利。集會期間安排幕後員工上台發言及留守場地事宜。

集會申請毛孟靜

HKTV一眾員工並無遊行集會經驗，毛孟靜為 HKTV向政總申請集會場地，當日更擔當司儀一職。

「萬人齊撐！」 fb發起人

左起：陳璟茵、區諾軒

設立嘅 facebook專頁，有接近 50萬人 like，當日亦有份發起東角站集會遊行到政總，更喺集會期間上台發言，不過之後被一眾網友指「騎劫」 HKTV。

華哥低調撐

HKTV工會週日（ 20日）更喺政總搞集會，不過被稱為香港電視一哥嘅黃日華冇現身，等到週一（ 21日）先低調到政總門外支持留守同事。知情者說：「 Plan B未講得，其實星期日（ 20日）個遊行，工會已經不停 call啲紅星撐場㗎啦，林文龍同林嘉華一直都好積極，反而啲花旦就未落實，所以佢哋連日嚟都不停 call蒙嘉慧同張可頤，希望佢哋現身。」

男星如林文龍、薑文傑最積極，除上台發言外，亦幫手打點遊行示威，反而兩位女星蒙嘉慧、張可頤就表現小心，亦不太願意上台發言，結果除林文龍叫一線外，其餘只得劉玉翠、黎彼得等甘草站台，聲勢差一大截。後來集會有更多政治人物上台發言，令兩位女星更驚青，怕集會被「騎劫」入黑名單返大陸搵食無望。於是坐足 4粒鐘後，蒙嘉慧趁一眾演員休息期間，「借尿遁」早閃；而之後張可頤亦隨大隊閃人，張可頤經理人林小姐表示：「 Maggie係以市民身份去參加，冇諗過上台發言，大會亦冇叫佢上台。」都係戴定頭盔穩陣。

華哥到場

週日（ 20日）黃日華表示因工作關係未能現身，不過週一（ 21日）下午到現場為一眾留守嘅 HKTV員工打氣。

智叔夜撐

週一（ 21日）智叔帶同老婆陳敏兒現身，為 HKTV打氣，喺台上仲話拍攝《警界線》期間，係拍劇以來最有 heart嘅一部。而之前話會喺政總播全套《警界線》，但最後只播了剪輯片段。

蒙嘉慧趁住成班藝員去洗手間時閃人，不過佢都坐足 4粒鐘有誠意。到週一（ 21日）蒙嘉慧再次現身政總，張可頤就冇影。

美棋 BB落淚

HKTV最令網友期待嘅美棋 BB（黃美棋），遊行當日因有工作在身冇撐場。上週六（ 19日）接受本刊訪問，除寫上答謝員工字句及「江湖再見」外，訪問期間談到王維基更感觸落淚。

童星出身嘅美棋 BB兩年前簽約王維基嘅 HKTV，為王維基拍咗 3套劇，可惜 HKTV不獲發牌，令黃美棋亦感到徬徨，她說：「人哋搵我做嘢係因為我可能有劇出，但𠵱家冇，咁客戶未必搵我做嘢，講真靚過我、紅過我嘅大把啦！人哋冇必要搵你。」美棋 BB前路茫茫，問到佢會唔會考慮過檔 TVB，佢就話：「同 HKTV仲有約，現階段唔會諗。」

美棋 BB最唔捨得一眾被裁員工，所以寫下「江湖再見」四字，希望一眾員工盡快有新工作。

除咗同星爺合作過《行運一條龍》，美棋 BB亦拍過唔少無綫劇集，當年 15歲喺《陀槍師姐 IV》飾演滕麗名個女。

美棋 BB簽約兩年內已拍過三套劇，同惠英紅拍《我阿媽係黑玫瑰》後，原本開拍《天網》，可惜現已停拍。

講到喊

最令黃美棋感觸嘅係老細王維基，她說：「有次上網睇片，其中一條見到王生喺 canteen食飯，好少老細肯同員工一齊食，我諗起呢個畫面就忍唔住喊。」

拍維基劇得罪 TVB　劉浩龍遊行甩底

上年握曬手

上年劉浩龍為王維基孭飛拍《第二人生》，亦因此得罪無綫，現其公司寰亞有機冧掂無綫拍劇，梗係唔想佢再撐王維基啦！

張可頤、蒙嘉慧唔敢上台，但始終身體力行現身支持。反而曾經拍過王維基劇集《第二人生》做男一嘅劉浩龍，雖然身在大連拍劇，但仍極想親身撐場，可惜最後其經理人公司驚得罪無綫，而迫令劉浩龍繼續開工，而同樣想遊行嘅關楚耀，亦因為公司勸喻而就範。

四年前申請，王維基決心搞靚個台，大手筆搵咗唔少歌手幫 HKTV拍劇，如陳柏宇、劉浩龍和關楚耀等，都分別喺 HKTV劇集擔正。但至上週二（ 15日）香港電視未獲政府發牌，成班歌手都唔敢大聲表態。

據知劉浩龍曾打算向劇組請假仆返香港出席遊行，但遭公司反對，惟有聽命。遊行當日，他在大連忙拍大陸劇《白色謊言》，仲話由朝拍到晚好攰添，連講句撐吓遊行都冇喎！

被迫消失

上年幫王維基拍劇集《第二人生》孭飛做男一嘅劉浩龍，當日更為角色增肥 20磅。據知劉浩龍得悉王維基不獲發牌後，亦曾考慮出席遊行及集會，更同劇組預早請假一天準備出席。可惜其經理人公司寰亞，怕師兄現身遊行，同無綫「冇彎轉」，加上近年師兄主力返內地拍劇搵銀，唔覺意得罪中央被封殺，兩條水路都冇埋，所以力勸師兄三思唔好去。而同樣想遊行嘅關楚耀，上年亦幫王維基拍過兩套劇《童話戀曲 201314》及《開腦儆探》，據知亦因在譚詠麟出面跟 TVB講掂數解封，為怕再得罪無綫，亦同樣被禁現身。

百萬製作

《第二人生》除咗師兄，仲有 Joey Tang（鄧健明）、趙學而、雷有暉等，卡士唔算強，但以音樂為題材，劇組更試過喺機場博覽租場拍攝演唱會場面，成百萬拍一日。

校長幫拖

關楚耀為 HKTV拍過兩套劇，要返無綫本難過登天，好彩得到校長譚詠麟求情，嚟緊再有機亮相無綫。

演藝人協會遲了的聲明

以往有關藝人生計問題，演藝人協會一定出聲，但今次 HKTV冇牌發及裁走 320名員工，演藝人協會至週一（ 21日）晚上始發出遲了一星期的聲明，但就 10分鐘內又改出新版，新版聲明只對發牌不公為題輕輕帶過稱「希望香港特區政府體恤民意，就個別事件能作出交代」及稱會「盡力與我們伸手協助被解僱的 30名演藝界精英……」而被指聲明取態溫和，純粹「有做嘢」當交代！

除咗會長志偉、秘書長陳芷菁外，其餘理事包括王祖藍、阮兆祥、錢嘉樂等，絕大部分係無綫自己友。

. 怒火街頭　怕講錯嘢　蒙嘉慧、張可頤拒上台 張可頤,蒙嘉慧,MF,
http://hittt.blogspot.com/2013/10/mf_23.html. 怒火街頭　怕講錯嘢　蒙嘉慧、張可頤拒上台 張可頤,蒙嘉慧,MF,
http://hittt.blogspot.com/2013/10/mf_23.html. 怒火街頭　怕講錯嘢　蒙嘉慧、張可頤拒上台 張可頤,蒙嘉慧,MF,
http://hittt.blogspot.com/2013/10/mf_23.html. 怒火街頭　怕講錯嘢　蒙嘉慧、張可頤拒上台 張可頤,蒙嘉慧,MF,
http://hittt.blogspot.com/2013/10/mf_23.html. 怒火街頭　怕講錯嘢　蒙嘉慧、張可頤拒上台 張可頤,蒙嘉慧,MF,
http://hittt.blogspot.com/2013/10/mf_23.html