無錫直擊 跟成龍搵食 波霸姣精爭嗒馬明肉

21/10勁黐身

馬明週一（ 21日）同雨書拍商場戲， roll機前雨書出手拉住馬明，個樣冧到呢！

封面

無錫直擊　跟成龍搵食　波霸姣精爭嗒馬明肉

捱足多年，今年終於有力憑《 On Call 36小時Ⅱ》挑戰視帝的馬國明， 39歲有錢有地位，絕對係繼陳豪後 TVB頭號筍盤。

等住封帝，馬明最近除了要開始宣傳新劇，亦要度期北上拍由成龍監製的電影《緣來是遊戲》。本刊上週到無錫直擊，發現馬明在內地同樣受歡迎，戲中幾個女角更爭住向馬明 BB「抄牌」，合照時又主動餵馬明食波餅！多得成龍大哥帶挈，準視帝呢鋪大開眼戒， TVB頭號筍盤隨時被強國女封盤。

其他影片

放飯時，馬明（左）寧願黐住男主角孫堅（右）開餐，都唔同其他女演員撐枱腳。

第 14屆藝訓班出身的馬國明，捱足 13年仍未坐正視帝，亦唔似其他小生有得頻頻北上搵人仔，馬明今年終於發市，有望憑台慶劇《 On Call 36小時Ⅱ》成為視帝之餘，更首次返內地，接拍電影《緣來是遊戲》。據知監製成龍非常欣賞馬明在《衝上雲霄Ⅱ》的演出，開出高達 300萬片酬力邀出任《緣》片「男二」，連馬明自己都話嚇到呆一呆。

世侄女主動挨

戲中飾演靚仔律師的馬明，將周旋於 6個靚女空姐之間，本刊更發現其中一個名叫雨書的女演員不時主動向馬明投懷送抱。原來這位雨書，正正就是曾活躍本港娛圈、《緣》片的導演陳勳奇女兒（原名陳杏妍，後改名陳開心 Colleen）。不過據了解，由於陳勳奇導演沒有特別介紹，加上三度改名為雨書的陳開心，樣子跟在港搵食時改變不少，所以馬明並不知對方就是成龍世侄女，亦即陳勳奇女兒。

性格主動熱情的雨書，首次見馬明即嗒曬糖，經常着住低胸衫、與馬明頭貼頭合照，再放上微博曬命。週一（ 21日）早上，馬明同雨書到商場拍攝一場 shopping戲分，期間有幕後職員提出替 2人合照，雨書突然用廣東話說：「不如我挨住佢好唔好？」搞到馬明 BB硬曬軚傻笑。

波霸 1號

咪壓馬明：雨書（陳開心）件衫本身已經夠噴血，仲要將個胸壓向馬明手臂，難得馬明 BB目不斜視，夠正氣！網上圖片

本週一， 2人拍商場戲，期間有工作人員話要幫 2人影合照，雨書即主動話要挨埋馬明度影相，馬明隻手臂應該好舒服。網上圖片

狂俾女「抄牌」

除了成龍世侄女姣黐，戲中另外兩名女角亦吼實準視帝。

上週五（ 18日），馬明在無錫街頭扮偷影另一女角林菀踩單車，期間馬明全神貫注學揸相機，又同導演研究企位，當導演嗌收工後，林菀竟然第一時間拎住手機衝向馬明「抄牌」攞電話號碼，非常猴擒！

週日（ 20日）拍法庭戲，放飯期間一班女演員再主動邀請馬明同枱食飯，但馬明寧願孖住第一男主角孫堅撐枱腳，都唔肯同一班國產索女食飯傾偈。據知雨書已多次約馬明食晚飯，但馬明完全不為所動，「馬明一上到去開工，班女已經流曬口水，爭住問佢攞電話，但馬明經理人一早叮囑佢要小心，盡量唔好同其他女演員有乜接觸，所以馬明同佢哋講自己冇微信又冇大陸電話號碼，淨係畀咗個香港號碼人哋。班女約佢，都要用收費嘅 SMS。」劇組中人透露。

波霸 2號

除咗一班女主角爭住集郵，連女臨記都唔放過馬明要集郵，低胸武裝 V住合照。網上圖片

姣精 1號

導演一嗌收工，林菀即刻問馬明攞電話。

西安出生的林菀，曾獲第 8屆「 CCTV模特兒大賽季軍及「最佳身材獎」，曾拍過成龍的《十二生肖》，但只係做二打六，連名都冇！

「同個個好傾得埋」

據了解，幾位女演員都唔介意要畀長途電話 SMS費，主動約馬明食晚飯，但每次馬明都拒絕，情願自己留在房內叫 room service。

北上多女圍，但馬明透過 WhatsApp回覆本刊時，唔認好艷福之餘，仲繼續請班內地索女食檸檬，「我𠵱家喺大陸拍緊戲唔方便回應，不過喺劇組真係相處得好開心、好融洽，同個個都好傾得埋。（班內地女演員咁索又主動，會唔會考慮搵個內地女朋友？）𠵱家係搏殺期，咁難得被成龍大哥同陳勳奇導演睇中，呢啲嘢唔諗住喇！」咁又係，等下個月贏埋視帝，到時應該仲多選擇！

18/10

馬明呢幕要偷影林菀，陳勳奇親自教佢點樣揸機先夠 pro！

姣精 2號

20/10：據知，劇中 6位主要女角的其中之一牛麗燕曾邀請馬明一齊食晚飯，但亦被馬明拒絕。

北京盛基學院畢業的牛麗燕，曾拍攝多部國內電影及電視劇，包括陳鍵鋒的《每個人都有秘密》，及方力申的《未來戰士》。

《 On CallⅡ》被安排做台慶劇，睇嚟 TVB有心穀馬明做視帝，馬明勝利在望。

成龍世侄女改名洗底

身為監製成龍睇住大嘅世侄女，約 33歲嘅陳勳奇女兒雨書，原名陳杏妍，之後又改名陳開心，英文名 Colleen， 2000年後曾參與過港產片拍攝，可惜撈極唔起；反而最令人印象深刻係 04年明戀杜德偉，仲紋咗一個同對方一樣嘅「愛的紋身」。點知杜德偉知道後，公開表示兩人唔熟，仲話同當時叫陳開心嘅雨書傳緋聞「好噁心」。 07年雨書開始淡出香港娛圈，轉到內地搵食，唔單只改咗名，仲連個樣都同以前有分別。

雨書曾經喺右手臂紋咗個同杜德偉右手臂一樣嘅紋身，不過後來杜德偉拒愛，雨書亦洗走紋身。

飾演風流律師的馬明，最終會同飾演空姐嘅雨書成為一對。網上圖片

成龍叫錫住馬明

電影開拍後，成龍曾低調探班同「男一」孫堅（左）合照。網上圖片

多年來冇得北上、焗拍 TVB劇的馬明，今次可以衝出電視城，全靠成龍出手。據知成龍對馬明在《衝 II》的風流機師形象非常欣賞，所以欽點馬明在《緣》片飾演風流律師。除了開出天價 300萬，劇組人更曾目擊成龍探班時向導演陳勳奇交帶，「一定要好好睇住佢，我好辛苦先喺 TVB『掹』佢出嚟拍戲㗎！」而陳導亦相當識做，除親自教馬明做戲，亦對對方照顧周到。

馬明自「隊」賠罪

拍攝《寒》劇時正值夏天，着住厚厚古裝嘅馬明日日熱到冇表情。

一向係好好先生的馬國明，劇接劇未停過，前排更要長駐內地象山拍 TVB劇《寒山潛龍》。大熱天時要着住套超厚古裝，馬明拍到扯曬火，經常黑口黑面，所以到套劇煞科，馬明就喺煞科宴自「隊」賠罪。馬明話：「真係拍得好辛苦，而且啲 PA（助導）又新，我認我係發過脾氣，不過我同監製都覺得呢啲係人之常情，所以我喺煞科宴都自『隊』咗 3杯 say sorry。但有冇人仲嬲緊我，我真係唔知喇！」

. 無錫直擊　跟成龍搵食　波霸姣精爭嗒馬明肉
http://hittt.blogspot.com/2013/10/blog-post_3919.html. 無錫直擊　跟成龍搵食　波霸姣精爭嗒馬明肉
http://hittt.blogspot.com/2013/10/blog-post_3919.html. 無錫直擊　跟成龍搵食　波霸姣精爭嗒馬明肉
http://hittt.blogspot.com/2013/10/blog-post_3919.html. 無錫直擊　跟成龍搵食　波霸姣精爭嗒馬明肉
http://hittt.blogspot.com/2013/10/blog-post_3919.html. 無錫直擊　跟成龍搵食　波霸姣精爭嗒馬明肉
http://hittt.blogspot.com/2013/10/blog-post_3919.html