天生一對 差館報到 賤招甩身 14巴港女吹弱雞招殘兵 14巴港女,MF,

2013年10月23日星期三

天生一對　差館報到　賤招甩身　 14巴港女吹弱雞招殘兵 14巴港女,MF,

上週五（ 18日），「娜姐」需到警署報到，片中被摑的男友則全程傍到實，二人更不時有傾有講，各自塞一邊耳塞扮「聾」好有默契，又會轉變得咁快嘅？最終「娜姐」須於 24日到九龍城裁判法院上庭等候宣判。

真面目

天生一對　差館報到　賤招甩身　 14巴港女吹弱雞招殘兵

網上瘋傳的「港男跪地捱港女『女友』巴掌」片段， YouTube點擊率至今已高達 160萬。 20歲鄭姓女子向 23歲趙姓男友連摑 14巴掌，被網民冠以「 14巴港女」惡名，除了雙雙被起底外，花名「娜姐」的鄭姓女子更被控以襲擊罪名拘捕，上週五（ 18日）到警署報到。

本刊全程直擊「 14巴港女」和男友到警署報到。面對貼身追訪，二人出盡辦法撇甩，更「吹雞」搵幫手，可惜只班到金髮男同佢老婆，吹弱雞招殘兵，又一幕搞笑鬧劇。

其他影片

本月初，網上瘋傳一段的「港男跪地捱港女『女友』巴掌」短片，片中惡女不單怒扯男友頭髮 8次，仲連摑 14巴掌，最後遭網友大起底，並冠以「 14巴港女」醜名。

據知， 20歲「 14巴港女」現於香港專業教育學院（觀塘分校）就讀，並於土瓜灣區的個人護理連鎖店兼職，但事發之後一直放「事假」。

奴隸男兇狠

正當大家以為被打 14巴之後，這對小情人會不歡而散，但上週五，「 14巴港女」到九龍城警署報到時，被摑的趙姓男友仍然「跟得男友」，上的士離開時，「 14巴港女」繼續向男友呼喝︰「坐車頭啦你」，尊嚴何在？

當日早上 11時 30分左右，兩人到達九龍城警署，落的士時，「娜姐」先衝入警署，本刊記者上前問她掌摑男友一事時，趙姓男友馬上衝前兼大叫︰「喂！呢度差館嚟，阿 Sir做嘢啦！」趙姓男子表情兇狠，同當日跪地求饒個奴隸格好唔同喎！

兩人被警員召入房，逗留大約一小時，再乘坐白色警車回到土瓜灣的住所附近。對於記者的追訪，二人不時擺出臭寸樣，一言不發，更在馬路中央左穿右插試圖撇甩記者，險象環生。

被「 14巴港女」當街打完，男友仍然跟出跟入，真係多啲尊嚴都做唔到。

兩人成功搵來一對男女幫手，死纏記者，金髮男仲鬱手鬱腳，真係物以類聚。

「唔好扮 x曬嘢」

之後兩人到觀塘翠屏南邨，一落車就飛奔到另一架的士，被本刊再度追問有關掌摑一事，二人表現煩燥，趙姓男子還用粗口指罵的士司機為何不開車離開。同一時間，「 14巴港女」就不停地打電話，記者聽見她說：「阿咩哥嚟緊幫手！」

相隔數十分鐘，一名金髮男和一名師奶來到現場，師奶先大聲呼喝記者「唔好扮 x曬嘢！落車走喇！」而金髮男就從後熊抱本刊記者，經過一輪混戰後， 14巴港女和男友成功跳上另一的士，而金毛男則散水，師奶原來是他老婆：「老公走喇！」

其實「 14巴港女」口口聲聲話自己係明星，應該大大方方做個專訪，等全香港人認識吓你嘛！