雞汁擊鼓鳴冤 May姐：冇人逼你睇
王維基嘅HKTV不獲發免費電視牌，辣著全港電視迷，而一台獨大嘅無綫，當中成集喺度哈哈哈哈嘅《May姐有請》頓成箭靶，成為網民改圖、改片嘅對象，不過噚日有報道訪問May姐(馮美基)，佢都算豁達，見到網民改佢圖，仲讚改得夠cute，同有創意添！
講到自己個節目被指係「最想熄機節目」，報道就話May姐覺得有啲不明不白：「俾人擺咗上枱，其實冇人逼你睇o架嘛，香港有4個free channels同其他頻道，唔啱睇都仲有好多選擇。」然後佢又話：「好多人支持個show，唔係都唔會添食咁多次啦！」咁又係喎，啲網民又話唔睇，上星期《May姐有請》升咗大拿拿4點收視呀！即係多咗成25萬人睇呀！
其實《May姐有請》前年已經有第一輯，今年呢輯贊助商係雞汁，所以成日拎支雞汁出嚟，上一輯係咩？May姐話：「上一輯我整完碟嘢，都會特登拎幾塊tissue出嚟抹乾淨碟邊。」原來係tissue！然後仍然hardsell雞汁，話一向都有用雞湯同雞粉煮嘢，但都係唔夠雞汁咁均勻。
講到網友將佢啲「哈哈哈哈哈哈」笑聲剪成一段片惡搞，May姐話：「我有睇呀!好得意，網友好有心機，要俾番credit佢呀！我都like呀！(直豎拇指)哈哈哈哈哈哈...」
足本收睇《亂噏24》x 陳慧琳；之後有請搞笑孖寶鄭中基穀德昭玩轉再玩轉！
周一至周五《亂噏24》約定你：http://bit.ly/appletalk24
.雞汁擊鼓鳴冤 May姐：冇人逼你睇
http://hittt.blogspot.com/2013/10/may_23.html.雞汁擊鼓鳴冤 May姐：冇人逼你睇
http://hittt.blogspot.com/2013/10/may_23.html.雞汁擊鼓鳴冤 May姐：冇人逼你睇
http://hittt.blogspot.com/2013/10/may_23.html.雞汁擊鼓鳴冤 May姐：冇人逼你睇
http://hittt.blogspot.com/2013/10/may_23.html.雞汁擊鼓鳴冤 May姐：冇人逼你睇
http://hittt.blogspot.com/2013/10/may_23.html
