要用幽默感嚟處理！（真實對白）
May姐上週五（ 18日）往中環中心種牙，對被批評笑聲難頂，她說：「唔叫我大冬瓜已經好開心！」還即席教記者如何用雞汁醃完食物至好煮（小圖）， May姐堅係愛雞汁。
真面目
哈哈哈 上岸罷拍第 3輯 追訪雞汁 May：「唔話我大冬瓜已好開心」
TVB一台獨大，節目冇創意卻又不停植入廣告，觀眾矛頭直指淨係識哈哈哈嘅「雞汁 May姐」，一時間《 May姐有請》變成市民笑柄。
觀眾憎睇 May姐，但係製作總監餘詠珊已準備開拍第三輯，話之你民意沸騰。之不過 68歲 May姐上週接受本刊訪問時就話怕怕：「我唔肯再加喇……（網民）唔叫我大冬瓜已經好開心，哈哈哈！」俾人鬧得多梗縮沙啦，你估係特首同高官咩！
有成 12萬市民包圍政總當日，正好《 May姐有請》播第 26集，捱咗半年， May姐馮美基的笑聲已變成象徵 TVB的負面 icon；集會當晚大會播放《 May姐有請》的惡搞片時，全場狂噓大叫「轉台」，如果 May姐喺現場聽到應該笑唔出。
餘詠珊：「好多人爭住贊助」
節目負評爆燈，但週日（ 20日）收視竟狂升 4點至平均 22點，難怪非戲劇製作總監餘詠珊極欲開拍第三輯。
上週四（ 17日）餘詠珊出席活動時承認有意添食，而且事在必行：「拍呀，一定拍！但 May姐太忙，要下年至開到工。」問到新一輯 May姐是否依然要集集落雞汁，她則回應：「點解係雞汁，好多人爭住 sponsor May姐㗎，暫時好多嘢未落實，詳細要開會先知。」
不過曾經話過想退休的 May姐其實唔多願意再做，據知 May姐第二任老公梁振邦，於內地從事化工原料生意，現住西貢市值 4,000萬獨立屋兼在港島山頂有一市值 6億物業，而 May姐開設的兩間曲奇餅店生意不俗，拍飲食節目純為興趣，家陣日日被人恥笑，畀你都縮。
May姐三部曲
May姐每集都有指定動作，睇得多都煩，唔怪得觀眾怒叫要踢走 May姐。
唔憂做縮沙
上週五（ 18日） May姐到牙醫診所種牙，種完牙後承認確實傾過拍第三輯《 May姐有請》：「係傾緊，不過我唔想再加喇！都大半年啦做咗，哈哈哈哈！（你啲笑聲俾人惡搞喎！）冇緊要，大家要用幽默感嚟處理囉，唔叫我大冬瓜已經好開心，哈哈哈。」她又澄清冇心做幕前：「係好撞彩，以為退休開心地吃喝玩樂，忽然間生個 career出嚟都好開心囉，呢個又可以用自己 time嚟做，冇乜壓力。」畀人惡搞當箭靶， May姐都話要用幽默感處理，確係哈得出神入化。
夫擁 7億物業
68歲 May姐唔憂做，只因她丈夫確係大把貨，據知 85年跟林姓前夫離婚的 May姐， 01年才跟在內地做化工原料生意的梁振邦結婚，而梁振邦除了在葵湧擁有多間工業大廈單位外，還於山頂百祿徑擁有市值超過 6億的豪宅，而現跟 May姐居住的西貢 4,000呎獨立屋，亦市值超過 4,500萬，所有物業加埋接近 7億，老公叠水到咁， May姐仲邊使咁辛苦？
羅鈞滿擦錯鞋玩完
香港電視冇牌，搞到無奈要炒 3百多名員工， TVB羅鈞滿卻叻唔切，突然在 facebook直斥王維基將不獲發牌同公義混為一談，又指他應為被炒員工負上全責，謬論一出即被網民狂插。
羅鈞滿雖然有解釋：「我係支持政府應該交代冇發牌原因，但同時知道有部門俾人炒，嗰刻好有感受。」但由於群情洶湧，據知搞到要暫停接 job，知情人士說：「家陣佢人氣太差，公司怕幫佢接騷同商演，出嚟隨時俾人噓爆咪仲衰！」位已上，但唔係咁上囉！
繼續師奶
播足半年的《 May姐有請》其實到下週日（ 27日）將播最後一集，以為 May姐玩完有新嘢睇，但大家應該又失望，無綫外事部總部曾醒明稱：「 May姐之後，會改由黃淑儀主持嘅《吾淑吾食》，暫定 10集，之後肥媽嘅《食平 D II》亦籌備中。」即係繼續貫徹師奶為目標，學曾醒明話：「星期日 8點播飲食節目有一定收視呀！」
May姐之後，由黃淑儀接棒，以後又有肥媽《食平 D》，想 TVB變？好難！
. 哈哈哈 上岸罷拍第 3輯 追訪雞汁 May：「唔話我大冬瓜已好開心」 MF,
http://hittt.blogspot.com/2013/10/3-may-mf.html. 哈哈哈 上岸罷拍第 3輯 追訪雞汁 May：「唔話我大冬瓜已好開心」 MF,
http://hittt.blogspot.com/2013/10/3-may-mf.html. 哈哈哈 上岸罷拍第 3輯 追訪雞汁 May：「唔話我大冬瓜已好開心」 MF,
http://hittt.blogspot.com/2013/10/3-may-mf.html. 哈哈哈 上岸罷拍第 3輯 追訪雞汁 May：「唔話我大冬瓜已好開心」 MF,
http://hittt.blogspot.com/2013/10/3-may-mf.html. 哈哈哈 上岸罷拍第 3輯 追訪雞汁 May：「唔話我大冬瓜已好開心」 MF,
http://hittt.blogspot.com/2013/10/3-may-mf.html
