真面目
新聞報告 新聞部小花內鬥 高層錫曬利君雅 失寵陳嘉欣想調組
2012年12月05日自從無綫新聞之花方健儀離職後，被力捧的主播或記者買少見少，最有驚喜反而是印裔靚女利君雅（ Nabela）。據知利因勤力又醒目，深得無綫新聞部總監袁志偉歡心，不時畀佢坐埋上 枱做客席主播。
所謂一台不能藏二女，一直深受網民喜愛的靚女新聞小花陳嘉欣，現已減少在新聞時段出現。據知陳嘉欣亦覺冇癮，隨時調組過製作專題新聞的公共事務科，唔再返新聞部，新聞部又少一名靚女。
本來甚為得寵又靚女的記者陳嘉欣，最近因「港女十式」照片被廣傳，令宅男 like爆，但卻惹來高層不滿，加上利君雅於新聞部內愈撈愈掂，月前陳嘉欣已被調到由新聞公共事務科（俗稱 PA部門）製作的《新聞透視》任主持，半個身跨出了新聞部，愈做愈心淡的陳嘉欣，更有意全身抽離新聞部。據知情者說：「佢（陳）之前讀過《六點半新聞》，家已減少 喺新聞時段出現，聽講佢索性想調去 PA跟岑應（《盛女愛作戰》編導）添！」
拒做「梁粉」
間接 㩒住女神上位的利君雅，是香港出世兼操流利廣東話的土生印裔人；上年轉職無 綫新聞部，立即受重用，新聞部總監袁志偉曾說：「大家都係香港人，請佢冇猶豫過。」
據她的同事透露，袁志偉覺得利君雅是近年罕見人才：「花仔（袁志偉暱稱）好錫佢， Nabela（利君雅）好少蝦碌、又勤力，撲咪（揸咪牌訪問）淡定過好多記者，咬字又清冇懶音，好多香港人都唔得啦，佢讀書攞好多 A㗎！所以花仔畀好多機會佢，又畀佢上《六點半新聞》做客席主播。」
利君雅同事續說：「不過花仔要記者做『梁粉』，成個新聞部都自我審查， Nabela唔肯屈服，呢點花仔唔知 嘅，但有 啲上司就對佢黑面同冷冷淡淡咁囉。」
有袁志偉照住， Nabela最近已開始學習做編緝工作，學多 啲 嘢又唔使跑得咁辛苦。嘉欣 BB真係愈睇愈眼寃呀！
利君雅身世離奇
疑似阿妹
有自稱同利君雅相熟的人在網上留言，指利君雅其實有兩個妹妹，相中人跟利君雅的鼻樑、嘴巴確有幾分相似，但無法證實是否她妹妹。
採訪特首
利君雅肯搏肯捱，特首梁振英僭建事件她亦有採訪，雖然有傳袁志偉要記者做梁粉，但利君雅堅持中肯報道。
爭取權益
利君雅是首位在廣東話電視任新聞工作的非中裔記者，印裔外表操流利廣東話令人注意，而且廣東話更好過好多香港人。
除讀書叻，利君雅同時是少數族裔組織成員，她的身世亦離奇，有傳父母在港誕下她後，爸爸要返回杜拜當酋長，但媽媽卻拒絕過奢華生活，情願與利君雅留居香港，家住天水圍。
陳嘉欣衰港女自拍
陳嘉欣去年加入 TVB，即成為新聞小花，不過因為試過直播時避唔開示威者需要中斷直播，和「港女十式」事件而惹高層不滿，失意於新聞部。
新聞部不成文規定記者要莊重，上月流出陳嘉欣與明珠台記者林曦如擺出「港女十式」的照片，令網友 O曬嘴，事後兩人在 facebook刪除照片補鑊。
.[FACE]新聞報告 新聞部小花內鬥 高層錫曬利君雅 失寵陳嘉欣想調組
http://veryy8.blogspot.com/2013/01/face_12.html.[FACE]新聞報告 新聞部小花內鬥 高層錫曬利君雅 失寵陳嘉欣想調組
http://veryy8.blogspot.com/2013/01/face_12.html
