電視風雲：甘國亮通緝洗腦元凶

【電視風雲之上樑不正】70、80年代金牌監製兼編劇甘國亮，對電視劇製作要求嚴謹的態度，遠超過他今時今日對服裝潮流打扮方面的講究。近年無綫劇集經常被觀眾狠批題材抄襲、千篇一律、毫無新意，但作為過來人的甘國亮，卻認為錯不在編劇。甘國亮說：「邊啲人管佢？邊啲人教佢？邊啲人去指導佢？嗰啲人先至係兇手，上樑不正下樑歪。」

撰文：戴彩煥

■曾是無綫金牌監製兼編劇的甘國亮，認為上樑不正下樑歪，不應將一切責任歸咎於編劇們。

攝影：陳志嵐

場地提供：太子酒店

■80年甘國亮監製的《輪流轉》因被《大地恩情》（左圖）超越收視而被迫腰斬。劇照

戚其義監製的《天與地》被捧為神級劇集，被戚其義視為恩師的甘國亮，功夫當然有番咁上下。早在70年代，甘國亮已是電視潮流先驅，不論是玩黑色幽默的《執到寶》，還是《山水有相逢》等，甘國亮總帶給觀眾不一樣的電視享受。

不過，這位金牌監製兼編劇，80年打造的《輪流轉》卻因為麗的（亞視前身）的《大地恩情》而被迫腰斬，也變成過去30多年來大家每次談論到電視大戰時，例必提及的重要一環。

這天，跟甘國亮重提當年滑鐵盧，他有點不忿說：「啲人永遠講歷史，講到最後一句就唔講，人哋（TVB）下個禮拜拍咗套《千王之王》就贏番曬你，隔籬（ATV）即刻死咗又冇人講，冇講人哋唔要面壯士斷臂就贏到你。廣告商係睇收視，當年如果有一晚低過隔籬就出事啦，TVB係睇到有幾晚出咗呢個問題，佢先至要斬隻手之嘛。」當年腰斬有否對甘國亮造成打擊？他說：「我下個禮拜已經去搵劉克宣（開拍《執到寶》），少壯嘅人唔識得悲痛，餐餐開飯，聽日還得去開飯，阿媽就算俾老公打，佢聽晚都係要煮飯畀我哋食。」

■已離開無綫的最佳劇集《天與地》監製戚其義（右圖），一直視甘國亮為恩師。劇照

資料圖片

「教嗰個出問題」

62歲的甘國亮於72年無綫第一期藝員訓練班畢業後不久，便開始編劇工作。近年電視劇題材離不開爭產、宮廷鬥爭、多角戀，以至近期頻頻出現的強姦及失散母子相認框框，被觀眾網民狠批了無新意，千篇一律，但甘國亮認為錯不在編劇：「一定係教人嗰個出問題，細路哥一定係跟你落欖落得多先至識賭錢，你自己都唔係一個好人，又點教到個好嘅細路哥？唔好一嚟就鬧??家啲編劇，睇慣你賭錢，你教個細路哥出嚟點會冇事？佢哋唔係一生出嚟就識，佢哋細個睇啲電視劇都係咁，寫出嚟啲嘢咪都係咁囉，你話以前嗰啲點好點好，但佢哋冇睇過，又點知你講乜？所以要搵清楚真正兇手係邊個，大家成日搵錯曬啲兇手，邊啲人管佢？邊啲人教佢？邊啲人去指導佢？嗰啲人先至係兇手，上樑不正下樑歪。」

■《輪流轉》慘敗後甘國亮隨即開拍《執到寶》，並身兼幕前幕後工作。

劇照

■74年甘國亮與汪明荃拍檔演出《永恆的春天》，二人因而成為好友。劇照

■由李司棋（左）和黃韻詩（中）主演的《山水有相逢》是甘國亮的代表作之一。劇照

甘國亮續說：「等於舊時冇卡拉OK，唱歌好與壞都係自己學返嚟，但自從有卡拉OK之後，啲人係模仿卡拉OK學唱歌，於是有啲人走嚟講話歌手冇自己風格，但其實佢哋唱來唱去都係嗰幾個人啲歌，好容易copy咗嗰樣嘢，試問又點樣搵自己風格？呢個係社會生態，關佢哋乜嘢事呢？只要所有問題肯桶番上去，就好多嘢都可以解決到。」

■甘國亮早前在陳百祥生日派對上與苗僑偉、戚美珍和樂易玲碰頭時，談到近年劇集情節不合理問題。

「好多嘢唔合理」

近年電視劇創作還有一個方程式，就是集集加高潮位來留住觀眾，甘國亮認為合情合理比高潮位更來得重要：「唔係因為要有高潮而調番轉頭寫，唔係本末倒置，佢首先要做好曬啲嘢先至得?，如果連最緊要嘅嘢都做唔好，咁有冇高潮位都變成唔緊要。正如嗰日見到苗僑偉，佢講咗好緊要一樣嘢：『你惹我哋睇嗰個????反感，咁有冇高潮位已經唔重要啦！』佢話有次開工，都唔知點解開得到個夾萬，出到門口又俾人襲擊，一陣間又俾人推落樓，唔知點解啲人又開到佢道門襲擊佢，呢啲係基本嘢，唔係情唔情理，一味掛住出門口撲濕佢最緊要，跟住嚟救佢部救傷車又最好撞咗，於是送唔到人入醫院又死埋，但人哋睇到嗰度已經媽叉啦，好多嘢都唔合情理！」

70、80年代電視劇能夠百花齊放，甘國亮認為一切歸功管治者：「十隻手指有長短，當年梁淑怡一方面可以有王晶，一方面有譚家明、許鞍華、嚴浩，夾硬拉埋甘國亮落去，佢啲仔女點教吖？係咪一套方法個個都可以容納？佢因材而用，係咪咁先至係波呀？??家就自己諗自己，希望好似你倒模咁。」

欣賞王維基

■王維基的香港電視仍未獲發牌，但已開拍不少劇集。資料圖片

新免費電視牌照風波擾攘多時仍未解決，不少幕前幕後甚至香港電影工作者總會也齊撐電視發新牌，認為發新牌可創造就業機會，令電視行業百花齊放，但甘國亮卻有另一番見解：「商營電視係咪要賺錢呀？700萬人可以供養幾多畀呢啲媒體？養得起就有得做，養唔起就是但都有人受害，情況同喺銅鑼灣開多幾間百貨公司一樣。」

儘管甘國亮對發新牌有所保留，但對力爭發牌的王維基，甘國亮坦言欣賞：「爭唔爭取到個牌係一個命運。王維基我覺得要讚佢嘅係，佢經營呢樣嘢嘅時候咁啱配合到香港呢個差唔多死亡期，佢製造咗一個生命。」

甘國亮續說：「聽聞有人同一個國內單位已經簽咗五年約，所有劇都已經有錢畀佢拍，佢已經有銷售嘅地方，嗰個產品外銷已經抵銷曬所有嘢。如果我攞到張合約返嚟，我攞住呢樣嘢，喺香港請一啲有志做呢樣嘢嘅人，左手有錢，右手又可以益香港，將呢兩樣嘢擺埋一齊，無論做成點，都係一個功德。」

.電視風雲：甘國亮通緝洗腦元凶
http://veryy8.blogspot.com/2013/01/blog-post_3502.html.電視風雲：甘國亮通緝洗腦元凶
http://veryy8.blogspot.com/2013/01/blog-post_3502.html