台灣農場蝕足四年 甄妮鬧人穀個唱撲水
忽然1周 第911期
甄妮下月紅館開三場告別個唱（利益申報： 2010年已掛過告別牌頭於紅館開騷）。之前四出宣傳的她，突然傳出她冷藏亡夫傅聲精子生下女兒甄家平（ Melody）的消息；近日她又再翻舊帳鬧 G.E.M.冇家教唔打招呼，繼而揞名寸林峯抽水。
記者發現甄妮今次個唱去飛慢，賣飛個多月只得山頂位滿座，銷情欠理想外，甄妮斥資四千萬於台灣打造的農場，原來已有四年冇對外開放俾遊客參觀。單是農場四年來的營運開支，已令她身家唔見一大截。
難怪今次 59歲的甄妮愈老愈有火，毫不介意由殿堂級歌手變成口沒遮攔的樂壇判官，四圍辣只為穀飛撲水救農場。
我鬧得好爽！（設計對白）
鬧人唔使本的甄妮，近日頻頻發功數臭時下歌手，見報率大增。
老牌歌手甄妮恃老賣老，連日來不停發功，數臭時下樂壇歌手。鬧 G.E.M.唔主動打招呼外，她於報章亦揞名指控陳慧琳、謝安琪和林峯冇禮貌。一眾歌手被人抽水，決定封嘴不作評論，而曾於微博公開向甄妮道歉的 G.E.M.，近日亦轉口風堅拒妥協，其經理人張丹說：「我哋要講嘅都講曬，亦唔會當面同佢道歉！」
寸林峯抽水
甄妮暗寸林峯抽佢水：「佢見到我都係眼望望，但最奇怪係佢接受電視台訪問時，話見到甄妮姐姐好開心囉！」事後記者問過林峯，他說：「我好尊重前輩，呢件事我唔評論。」
??謝安琪拒影相
甄妮爆謝安琪拒絕與徐小鳳合照，她說：「個個（後輩）都好 nice，但佢助手竟冷淡轉述：『佢唔舒服，唔影喇！』」
鬧 Kelly冇禮貌
甄妮連人緣甚佳的陳慧琳都唔放過，她說：「佢都係冇乜禮貌，有次我喺後台同郭富城傾偈，佢既冇打招呼，亦都冇插嘴。」
抦 G.E.M.冇家教
提到 G.E.M.（鄧紫棋）有「小巨肺」稱號，巨肺甄妮發火：「有次喺大球場見過佢，佢睇唔到我。」事後 G.E.M.已於微博道歉，並解釋自己細膽才唔敢打招呼。
銷情慘淡
儘管甄妮不時出口術穀飛，但個唱銷情欠佳，頭兩場只有得少量座位的 180元平價飛賣清（上圖）。記者更發現尾場的座位表，有大量座位以灰色遮住唔賣。票房職員說：「我都唔知，係大會安排。」
向張耀榮??撈
甄妮周圍撩火頭，與其今次個唱票房銷情欠佳不無關係，其實甄妮三年前已於紅館開過四場告別個唱。當時四場爆滿，連甚少露面的白雪仙都去捧場。以為甄妮從此光榮引退，但去年她竟主動再搵張耀榮??撈。知情者說：「本來耀榮叔都唔想做，唔想令觀眾覺得被騙，但甄妮係咁??，耀榮叔見大家咁耐交情先應承。」於是今次個唱就取名為告別演唱會之最終回。告別都有兩次，令人??爆頭。
據知張耀榮落疊後，甄妮變本加厲，竟然叫張耀榮加碼製作費用來做歌衫和印場刊，更讓女兒 Melody出任個唱形象總監一職，搞到張耀榮一頭煙。知情者說：「歌衫同場刊夾埋成百萬，耀榮叔梗係唔制喇！所以佢今次只出錢租場地同請樂隊?咋！」
記者就此事問過張耀榮，他說：「係佢（甄妮）搵我搞嘅！今次佢自己包衫，佢想點靚都得啦！其他我唔理喇！」縱然甄妮為二度告別個唱辣盡同行，又與張耀榮為錢拗到火紅火綠，但票房依然麻麻。周一（ 7日），記者到過紅館售票處，發現只有頭兩場的山頂位爆滿，大會更將尾場近七成座位封盤唔賣，令人費解。
《愛 show》告別演唱會於 2010年已舉辦過，當時甄妮更拉埋女兒上台哭別觀眾，點知事隔兩年又再搞告別騷。《蘋果日報》圖片
親自主理
甄妮於台灣買地建農場後，足足用了三年時間大執，將荒廢爛地變為農莊，其間她經常親自落田收割。
年中重開
甄妮的農場環境尚算優美，更有餐廳俾遊人吃火鍋或搞 party。休業近四年的農場，據知年中將會再對外開放。圖片
農場諸事不順
甄妮上月於台灣接受台灣主持於美人訪問時，談及女兒 Melody是她和傅聲靠人工受孕的結晶品，「因我們精卵排斥，才需要做。」
甄妮個唱滯銷外，原來生意上亦麻煩事多多。 04年，甄妮為求退休後有個地方養老，於是花近港幣四千萬，於台灣龍潭買下一幅佔地 57萬平方呎的山地。之後她花了三年時間，將這幅爛地改建成今日專種植蔬果的「西土瓦農場」。 08年初，甄妮開始將農場對外開放，遊人只要俾一千元台幣（約 274港元），就可以摘果實及享用午餐。不過農場開放後，換來卻只是一肚氣。 08年有客人將她置於農場內的杯攞走，誰知這些杯是 A貨，該客人就誣告她將農場變成製造 A貨工場。怪事一不離二，之後農場試過不停被遊人搗亂，投訴貨不對辦等。她一怒之下決定將農場對外關閉，並說：「依家嘅壞人實在太多喇！」
農場至今已關閉近四年，冇入場費收益幫補，但她堅持繼續請人營運，惟有食老本。知情者說：「農場每月要蝕成六位數，四年都冇咗五百萬啦！早前農場有一批八千公斤鋼鐵又被賊偷走，嗰度又唔見六十萬，佢（甄妮）唔心痛就假。佢個女一早叫佢執埋個農場，係佢死都唔肯，兩母女都為咗農場經常嗌交。」
甄妮亦曾承認這個嘔心瀝血的農場加深兩母女的嫌隙：「住一日，就同個女嘈一日……但人到了一定嘅年紀，真係希望有個舒適嘅地方靜下來。」雖然痛心，但她怒火尚在，賴政府政策導致她的農場出現問題，「今日如果賣咗，都係因為台灣政策問題造成。」
驚爆女兒生父乃傅聲
現時甄妮與 26歲女兒 Melody經常美國、香港和台灣三邊走。甄妮每年定必帶埋女兒返港去拜祭亡夫傅聲。早前甄妮於台灣電視節目，談及女兒是試管嬰兒，結合亡夫傅聲的精子人工受孕出世，解開 Melody身世之謎。不過近日她又反口，「我哋喺節目上只係傾人工受孕等醫學問題，就算其他人問到（ Melody身世），自己從來唔回應，唔會講 yes or no。」
個唱銷情欠佳，但甄妮卻巨星氣燄不減，她寸爆說：「我唔捨得唔唱，我唱得咁好，所向無敵，如果唔唱，其他人就升天，唔好。」
官司纏身
出名潑辣的甄妮，從來不好惹。多年間辣下不少火頭，除了多次出口鬧爆後輩，她跟外間亦結下不少牙齒印，近年更惹上官非，認真濕滯。
農場放 A貨
08年 2月，一名律師遊客於甄妮台灣農場中，帶走一隻由中國生產的「旅行拍檔」杯，之後再告她製造 A貨。事後她解釋這批杯是朋友從深圳買來送贈。最後她於官司中勝訴，共花 130萬台幣（約港幣 35萬）律師費。
賣樓反口
《蘋果日報》圖片
08年中，身在美國的甄妮，遭友人洪同傑代表，以 2,200萬放售她公司名下大潭道浪琴園豪宅，交易後她稱從未授權對方，交易告吹。買家入稟高院指她違約，須額外賠償 110萬元。最終判她勝訴，賠償由洪負責，而洪提出上訴後，獲判得直。
違規用菲傭
今年初，她手傷休養期間，友人安排家中的菲傭到農場幫手。之後該菲傭卻檢舉甄妮違規僱用，繳交台幣 15萬元罰款。甄妮事後再發現珠寶、 LV手袋等 3百多萬財物不翼而飛。落網的菲傭稱所有的物品均為甄妮所贈，最終只歸還部分衣物和手袋，但鑽石耳環等貴重首飾至今仍不知所終。
每年拜亡夫
雖然傅聲已逝世 29年，但甄妮似乎對他仍未放得低，每年定必返港拜祭亡夫。去年 7月，甄妮更將她拜祭的相放上微博，寫上：「 29年了，簡直不能相信已過了這麼久。」
1977年，甄妮下嫁當時為邵氏武打演員的傅聲。 1983年，傅聲不幸於交通意外逝世，令甄妮崩潰，她更將二人創立的唱片公司結業，以免觸景傷情。
1986年，傅聲死後四年，甄妮遠赴美國誕下女兒 Melody。甄妮對 Melody身世一直保密，不過卻經常帶她見記者，更委任她做今次個唱導演。《蘋果日報》圖片
狂吸四千萬
於九十年代曾退居美國的甄妮，二千年打後再出山。她除狂開個唱賺歌酬外，更炒賣五層樓，加埋賺近四千萬。
.台灣農場蝕足四年 甄妮鬧人谷個唱撲水
http://veryy8.blogspot.com/2013/01/blog-post_7754.html.台灣農場蝕足四年 甄妮鬧人谷個唱撲水
http://veryy8.blogspot.com/2013/01/blog-post_7754.html
