跟謝天華多咀戲 楊怡唔怕謙仔呷醋驚阿媽鬧

新鮮出爐民選「視後」楊怡，奪獎後首部推出作品《法網狙擊》，外界反應不俗，今次楊怡跟謝天華繼《魚躍在花見》後，再合演情侶，有不少咀戲甚至牀戲，兩人全程表現有默契。楊怡日前接受本報獨家專訪時，除了大談得獎感受，更認為跟天華相當夾，不過她笑言拍攝時未有怕男友羅仲謙呷醋，反而驚媽咪因太激接受唔到。

撰文 : 杜淑霞 攝影：畢紹基

楊怡對於成為首屆民選「視後」，坦言不會因此而增加壓力，「第一個得到感覺就好似係『全民女主角』咁，覺得既光榮又開心，但係我又唔會話好大壓力，只係覺得了咗件心事咁，都會照樣努力咁拍劇，未來最希望進軍內地巿場，除咗掘金完成買樓夢想外，內地製作好厲害，都想學多啲嘢。」

盼跟天華再合作

楊怡今次在《法》戲中再夥拍天華，男方接受本報訪問時，曾大讚她不愧為「視後」表現夠曬專業，拍親熱戲都無扭擰，她亦禮尚往來回敬好拍檔說：「佢都一樣好專業，大家合作得好順利，好在大家夠熟絡，拍起感情戲同啲親密戲，都唔使就住就住，好放心，好似有場拍拖踩單車戲，我哋好似真係去玩咁，拍得非常好開心，有機會都想再同佢合作。」

跟天華這樣合拍，難道楊怡不怕正印男友羅仲謙呷醋？她繼續大耍太極，「我哋係相處得好開心嘅好朋友，大家同行會明白。反而我驚媽咪會接受唔到，我哋屋企好保守㗎！我自己拍呢啲戲都會怕過咗火位，每次呢個劇播親我同天華啲攬攬錫錫場面，我都想專登駛開媽咪，因為佢睇親呢啲戲，都會好大反應咁話『嘩！使唔使咁呀？』搞到我好鬼尷尬。」

楊怡再演律師，「今次啲法庭戲對白真係好難記，試過3個鐘要拍16頁戲，幾日前要開始背，真係慘過會考。」



男友羅仲謙在楊怡奪獎一刻，喊得比她還激動。

.跟謝天華多咀戲 楊怡唔怕謙仔呷醋驚阿媽鬧
http://veryy8.blogspot.com/2013/01/blog-post_6148.html.跟謝天華多咀戲 楊怡唔怕謙仔呷醋驚阿媽鬧
http://veryy8.blogspot.com/2013/01/blog-post_6148.html