有話兒：葉德嫻唱所欲言
演戲獲獎無數的葉德嫻（Deanie），亦是人人稱頌的實力歌手，有感近年樂壇變質，在商業主導下，只製造了大量藝人，真正唱得的歌手買少見少，樂壇頒獎禮也欠鼓勵作用，Deanie姐笑言樂壇若有末日，早已到了。懶理樂壇走樣，Deanie姐繼續堅守自己原則唱好歌，樣樣做足100分，尊重舞台，尊重自己，更重要是尊重觀眾。
撰文：羅美倫
■葉德嫻事事做足一百分，因她尊重自己、尊重舞台。攝影：林德雄
葉德嫻最近積極準備3月的演唱會，她輕鬆地說：「音樂方面，倫永亮做得八八九九，好早已經將做好嘅聲帶畀我返屋企練，反而台方面弱咗啲，監製容許導演慢吞吞，佢有好多工作喺內地做，香港呢邊未咁急，自己急啲，有嘢想改又搵唔到人，就有啲竧??。」Deanie姐形容收到的歌首首100分，但之後笑言：「講100分唔夠謙虛，話80分啦，留番啲後路畀自己。」
■Deanie姐懷念羅文和梅艷芳，有感現今樂壇只有藝人，唱得之人買少見少。
睇騷要守戒
對自己嚴謹的Deanie姐，為演唱會訂下五大戒條，要求觀眾不要製造噪音及準時入場等，不怕嚇走觀眾嗎？Deanie姐說：「以前入戲院睇戲成地蔗渣、口水，甚至尿都有，人要進步嘛，唔可以仲做以前做嘢方式，唔遲到喺西方自古至今都有，目的係尊重表演者、尊重準時嘅觀眾。」
早前Deanie姐在無綫的特輯中向羅文致敬，原本演唱會中有這個環節，但因時間關係刪除，但她仍會向合作過的作曲家、填詞人如倫永亮、林振強致敬，也會唱梅艷芳的歌，問到為何要向籮記致敬，Deanie姐坦言：「人飲水要思源，今日樂壇多姿多彩係由佢帶起，只不過大家唔知，籮記除咗聽之外仲有嘢睇，我當年喺金冠夜總會聽佢唱歌，佢已經帶警察用嘅警號閃燈做道具，無論個台幾差，佢都諗方法做效果，尊重自己嘅表演、尊重自己個舞台。」
■將於3月開演唱會的Deanie姐，再度與倫永亮合作。資料圖片
■Deanie姐質疑樂壇頒獎禮的獎項是否存在鼓勵性。資料圖片
後輩欠色藝
對於籮記、阿梅、林振強，Deanie姐每次接觸他們的作品必有感觸，因在她心中，這些朋友從未離開過。至於上次演唱會唱《赤子》時念及子女感觸落淚，今次演繹會否再喊？她笑言：「應該唔會，年紀咁大，經歷咁多，更加心平氣和。」
籮記、阿梅這批一等一歌星叫人懷念，尤其近年樂壇甚少具聲色藝的歌星，Deanie姐亦坦言：「唔好講色、藝，只講聲，阿G.E.M.（鄧紫棋）幾好，只係唔夠靚、唔夠高；王菀之都好，但夠高又唔夠靚，相比之下，以前真係唱得嘅人多啲，始終??家價值觀、角度唔同，將藝人當商品，市價需要，生得高又後生嘅靚女就可以掛個歌星名出唱片、拍電影、廣告賺錢，唔使識唱歌，唱片可以用電腦幫你。」
人們都說樂壇已死，有否覺得可惜？Deanie姐說：「樂壇都係娛樂圈一部份，係關乎娛樂圈，娛樂圈變成咁係因為做生意嘅人講市場，知觀眾需要乜嘢就賣乜嘢，咪令到唱得但唔夠靚嘅人輸蝕囉。」對於樂壇唱得之人買少見少，Deanie姐笑言不擔心：「青黃不接係事實，係末日嘅話都末咗啦，唔到你擔憂，亦唔係我哋主宰。」
■Deanie姐評G.E.M.聲靚，但外形和樣貌未算標青。資料圖片
■王菀之的歌藝備受Deanie姐讚賞。資料圖片
頒獎當交易
至於每年爭議性多多的各大樂壇頒獎禮，Deanie姐亦抱事不關己的心態不曾留意，在特輯中曾戲言頒獎禮黑暗的她說：「其實點解要整個獎出嚟？係鼓勵？真係咁好心？係商業行為囉，似聖誕節交換禮物咁，好商業，原本聖誕節嘅訊息係將自己嘅嘢分享畀啲冇能力嘅人，仲有耶穌降生，但??家都唔係嗰樣嘢，呢啲頒獎禮係咪咁有鼓勵性？我真係懷疑，有啲人唔使畀獎，讚嚇佢都會鬆毛鬆翼，對我嚟講頒獎禮商業性高於一切，能接受到，自己又覺得應該受賞嘅，咪恭喜佢囉。」
形象：AndyDaniel
化妝：Stephen L.
髮型：Billy Choi
珠寶：Van Cleef& Arpels
貴婦情意結
■鍾情高雅文化的Deanie姐原來受大導演波蘭斯基影響。
葉德嫻是個做事認真的人，訪問當天她要連續做多個專訪，除了帶備靚衫、靚鞋外，還來個手襪大曬冷，酒店房內床上鋪滿她的珍藏，方便配搭，每一對都細心地用薄紙包裹保護，其實這數十對只是Deanie姐收藏中的冰山一角，她自95年起開始儲手襪，至今有超過二百對。
■Deanie姐收藏逾二百對手襪，這裏只是冰山一角。
受西片薰陶
Deanie姐說：「自細鍾意手襪，可能俾荷李活電影薰陶，啲戲連揸??嘅女人都戴珠鏈、手襪，感覺好高尚，50年代，大戰後英國、美國都係咁，甚至去到15年前，波蘭斯基一套電影裏面，法國酒店嘅清潔女工都戴頸鏈同手襪。」Deanie姐最愛這種高雅文化，是以連演唱會海報都由她戴上手襪的一雙手做主角，取代她的肖像。
.有話兒：葉德嫻唱所欲言
http://veryy8.blogspot.com/2013/01/blog-post_4249.html.有話兒：葉德嫻唱所欲言
http://veryy8.blogspot.com/2013/01/blog-post_4249.html
