2012年12月21日星期五

忽然1周第908期

我最喜愛的 moment

《萬千星輝頒獎禮》於本周一（ 17日）結束。全民普選，一人一票，大家應該好滿意啦啩？

先唔係！黃師奶唔明《天與地》點解可以攞「最佳劇集」、世姪女投訴峯峯冇得做視帝，仲有人話 TVB俾《天與地》攞獎，係為咗擺脫一台獨大、黑箱作業嘅負面形象，順手喺電視牌照嘅戰爭上贏埋民心。

不過有得揀點都好過乜都冇。始終第一年搞普選，賽果梗係有好大嘅「討論」空間啦。家嚇《天與地》贏咗，後生仔條氣順曬；祥仔、楊怡做視帝視後， C9們都好 happy。最緊要都係皆大歡喜啫。

任何頒獎禮少不免順得哥情失嫂意， 1,542,922張選票，究竟何去何從去咗邊個度？ TVB打死唔公開。既然真相不能大白，又何必執著呢？不如坐定定食花生，睇下頒獎禮背後，眾星出醜 moment。

喂，??咩呀？望鏡頭啦你！（設計對白）

爭啲就??到！好似你大啲啲，激死！（設計對白）

見杏兒離罩，子珊唔單止冇提點，仲刻意耷低頭喪??。媽咪姐都唔知話佢八卦定鹹濕好。

子珊本來同杏兒分開做訪問，但記者要求合照，兩位花旦即面露勉強神色，場面都幾尷尬。

一直有傳徐子珊有份介入胡杏兒、黃宗澤嘅戀情。台慶當晚兩女碰頭，出奇地冇火藥味。不過子珊眼見杏兒離罩，冇出聲之餘仲喪??埋一份。可憐杏兒慘被睇蝕，冇得出聲，認真無辜！

??模走光搶鏡，招招新穎，刻意到冇朋友。勢估唔到擁有選美經驗嘅陳茵媺及今屆港姐冠軍張名雅輪住失守露底。陰功豬咯！

陳茵媺由男友陳豪傍住行紅地氈，點知行多兩步大風一吹，白色花花底隨即曝光。哎吔，心痛死陳豪囉！

今屆港姐冠軍張名雅本來條裙仔尚算安全，但佢坐低又唔記得合埋對腳，成條蝦肉色底底睇曬！

曾發展地下情嘅周麗淇同鄭嘉穎，有傳男方翻撻阿佘，最終不歡而散。當晚鄭嘉穎同杏兒負責頒發「我最喜愛的電視女角色」獎，男方興奮問台下候選人緊唔緊張？一眾女星笑不攏嘴，但有份角逐嘅周麗淇竟一臉不屑兼嘴藐藐，小器到出面。

黃宗澤同胡杏兒拍拖七年分手收場，有傳男方一直爭取箍煲。綜觀當晚，男嘅的確喪??前度，仲差啲喺台上走錯位，但杏兒一於當佢透明，全晚眼尾都唔睄一下，夠曬撇脫。