主頁>娛樂圈 >娛樂追擊>黃宗澤生日山墳度過
黃宗澤（Bosco）上周三（十二日）正式踏入三十二歲，生日要開通頂度過，朝早拍完賀歲片畀林敏驄兜巴星後，夜晚又同周麗淇（Niki）去烏蛟騰拍新劇《好心作怪》煞科戲，附近仲布滿山墳，氣氛詭異。
不過，壽星仔大呻開工前只係捱飯盒，Niki聞言即刻自掏腰包外賣靚餸菜冧Bosco，願望即時成真。對於新戀情，佢同東姑話唔恨：「賺嚿錢返來更好，希望買間Dream house，最好係獨立洋房。」至於舊愛胡杏兒有冇短訊賀壽，佢就即刻頭耷耷：「電話唔喺身，未知呀！」
上周三晚，Bosco生日開工，拍檔兼緋聞女友Niki「萬歲」請壽星仔食嘢，果然識做。
二人行山睇螢火蟲，但Bosco笑言現實生活不會摸黑帶女上山，免被蛇咬。
由於拍攝現場布滿山墳，Niki都入鄉隨俗上炷香，希望拍攝順利。
當日早上拍賀歲片時，林敏驄跟Bosco重演近日最hit嘅「兜巴星」。
.[東周刊][娛樂追擊]黃宗澤生日山墳度過
http://veryy8.blogspot.com/2012/12/blog-post_4042.html.[東周刊][娛樂追擊]黃宗澤生日山墳度過
http://veryy8.blogspot.com/2012/12/blog-post_4042.html
