同你吟一吟
甄子丹王寶強過招 like爆
2012年12月27日講咗成年，由羅永昌執導嘅新片《冰封俠》，上星期一（十七日）正式舉行開鏡儀式。男主角甄子丹加黃聖依再加王寶強，三個主要演員嘅內地票房紀錄都係億億聲。
演員陣容之中，部分香港觀眾可能對王寶強印象較模糊。今年只得廿八歲嘅佢，過往其實同過唔少港星合作，好似《天下無賊》嘅「傻根」，就同劉德華、劉若英有好多對手戲，仲有成龍部《大兵小將》，杜琪峯嘅《高海拔之戀 II》。
更巴閉嘅係今個聖誕檔，王寶強孭飛嘅《人在囧途之泰囧》，內地票房已經過五億，砌低曬同檔收得七千幾萬嘅《王的盛宴》，收過四億、李安嘅《少年 Pi的奇幻漂流》，業內人士估計有機會八億埋單。
數據夠靚仔之外，六歲就做咗嵩山少林俗家弟子嘅王寶強食過夜粥，同佢過招嘅宇宙甄子丹，都讚對方打得好睇，要大幅加戲分俾佢。真係唔嘢少喎！
.[壹週刊]甄子丹王寶強過招 like爆
http://veryy8.blogspot.com/2012/12/like.html.[壹週刊]甄子丹王寶強過招 like爆
http://veryy8.blogspot.com/2012/12/like.html
