2012年12月27日星期四

[FACE]本性難移　衰花心　宋熙年狠飛雜食陳智燊

劇接劇上緊位，又回復單身一身輕，陳智燊上週日（ 16日）為新劇《傳愛事務所》拍攝外景時，見到鏡頭極度風騷，仲氹到拍檔馬賽笑曬口。

真面目

本性難移　衰花心　宋熙年狠飛雜食陳智燊

2012年12月26日

TVB青黃不接鬧小生荒，高層頭痕，不過班二線尾三線頭就絕對要開香檳，皆因百年一遇上位機會擺在眼前，有冇得坐正，就睇呢劑！

聖誕檔愛情劇《幸福摩天輪》上週二首播，人稱「新筍盤」的陳智燊（ Jason）拍住鍾嘉欣擔大旗。 Outlook掂、學歷高、前途一片光明，但實情陳智燊「筍盤」只是掩飾，雜食電視台小花終令拍拖三年的華姐女友宋熙年死心，最近更決心狠撇花心男。宋熙年早啲醒覺，好過拖多幾年啦！

放大圖片

例牌愛向女拍檔施冧功，在新劇扮律師的 Jason通宵與馬賽拍外景，同樣單身的馬賽有冇中招呢？

加入無綫 8年， 35歲陳智燊今年終於有運行，坐正做《幸福摩天輪》男主角，同當家花旦鍾嘉欣演一對。其實被樂小姐點名力捧、從明珠台主持轉入戲劇組後短短 6年， Jason可以急升一線，只因他是英國回流 BBC、經濟學碩士兼高大威猛又乖巧靚仔，仲通曉中、英、法、拉丁四種語言，一早被電視台視為陳豪接班人，高層自然寄予厚望。

女人湯丸

新劇《幸福摩天輪》，一心兩用瞞住正印林夏薇偷嗒鍾嘉欣，現實生活， Jason利用自己筍盤優勢，近水樓台雜食唔少主持兼戲劇拍檔。

早年明珠台《港生活•港享受》拍檔陳茵媺、《 Click入黃金屋》演對手戲的陳美詩、以及《誰家灶頭無煙火》演員李璧琦都被他力追，真正得手嘅就有華姐出身、一齊喺明珠台做主持結識嘅宋熙年。雖然兩人都齊聲否認情侶關係，但實情二人 09年撻著後拍足三年拖，直至最近才正式分手。

放大圖片

週日出席宣傳活動， Jason勁受女 fans歡迎。

放大圖片

年中與 Jason戀情轉淡又同無綫滿約，據知宋熙年一度萌去意，有意步陳爽後塵，搭路做香港航空公關，最近終肯續約。

舊愛狂讚

有名你叫筍盤接班人，連閱仔無數的佘詩曼都讚爆 Jason認真又好仔。據知情人士透露，即使被男友主動斬纜，前度女友宋熙年依然讚不絕口：「宋熙年飛咗 Jason後，兩人已經好少見面啦，不過宋熙年仍然好幫 Jason，冇喺出面數佢花心，淨係話近排太忙冇聯絡，上星期宋熙年喺電視城撞到 Jason，佢都仲主動行過去同佢傾偈，佢話無啦啦扮唔識仲怪相喎！」

至於男主角 Jason，把口就話事業為重，上週日（ 16日）為新劇《傳愛事務所》開工，又是本性難移氹到拍檔馬賽成晚甜笑，呢啲咪筍盤魅力無法擋囉！