[FACE]何家萬歲 超雲打本 陳山聰一月賣男裝

真面目

何家萬歲　超雲打本　陳山聰一月賣男裝

2012年12月26日

何超雲與陳山聰相戀 2年，一直被傳男方貪戀富貴千金，但女方卻無視閒言，繼續愛得癡纏。

早前雖無厘頭傳出超雲同山聰分手消息，後來又稱 2人已完婚，但據知陳山聰只是求婚成功並計劃下年拉埋。而一向有開店賣開二手衫的超雲亦打算打本畀山聰做生意，並已揀定東莞作為基地開廠，並於下月正式投入生產男裝系列。超雲要做潮人 icon，陳山聰亦總算有實務做！

東莞巡廠

放大圖片

有傳超雲設廠於東莞，當地有大量二手工廠空置任揀，絕對符合超雲大展拳腳要求。

有生意頭腦嘅超雲，新搞作更帶挈埋陳山聰。據知超雲為綁住男友，近月開始北上搞生意。唔熟唔做，超雲新搞作就係開廠設計自家品牌時裝，知情者：「梗係超雲出錢，幾多就唔知，不過佢哋最近成日上東莞間廠𥄫實生產進度。超雲負責女裝設計，山聰就負責男裝囉！一月就開始賣，個牌子就用超雲𠵱家鋪頭名，仲會放喺嗰度賣。」

週日（ 23日），何超雲同陳山聰孖住出巡，對於東莞開廠一事，超雲顯得好避忌說：「肯定唔係我哋，一定唔會，我唔會再投資開製衣廠，亦冇打算開多條 line。」而事後陳山聰亦口徑一致：「 Giordano就開多條 line，做乜啲風吹到咁嘅？」戀情可以咁大方公開，做生意都係保密啲好！

何超雲早於 09年開設自家時裝店「 Chew Closet」，除賣二手衫外，亦會到外國入貨，不時帶埋山聰去歐洲四圍朝聖。

放大圖片

背影闢謠

早前有傳超雲和山聰分手，超雲馬上上傳鬼馬合照證明恩愛如昔。

放大圖片

超雲於 09年開設二手時裝店做老闆，𠵱家又打本畀山聰喺大陸開製衣廠，實行孖住搵錢。

放大圖片

相約 high tea

和山聰行完街後，超雲與山聰去飲茶，原來約咗另一女性朋友。

貴氣山聰受唔起

放大圖片

未同超雲拍拖前，陳山聰多數走日系路線，但最近改行歐洲成熟風，但星級形象指導 Ricky Kwok就話其實呢類型嘅衫唔啱佢， Ricky說：「其實山聰身形高大，走日系夠潮又 trendy；但𠵱家呢身打扮真係唔適合佢，老西捲起衫袖，西褲又摺起，搞到手短腳短。加上佢嘅年紀（ 36歲）唔襯老西，感覺太刻意打扮成熟。」

.[FACE]何家萬歲　超雲打本　陳山聰一月賣男裝
http://veryy8.blogspot.com/2012/12/face_697.html.[FACE]何家萬歲　超雲打本　陳山聰一月賣男裝
http://veryy8.blogspot.com/2012/12/face_697.html