2012年11月1日星期四

[壹週刊]Eason神手加持蔡一傑

同你吟一吟

Eason神手加持蔡一傑

2012年11月01日

一連十二場《草蜢森巴大戰軟硬 fans演唱會》，上個禮拜三（十月二十四日）正式開騷。兩隊九十年代經典組合同台，唔只唱歌跳舞棟篤笑咁簡單，草蜢同軟硬每場演唱會都分做五個回合比賽，最尾部分內容更加晚晚唔同。

放大圖片

身材唔在狀態，傑仔靠服裝出位，呢個下體犀牛衫，襯曬佢！

暫時最精彩係上個禮拜六晚（二十七日），五個著住紅衫紅褲上台，各自邀請 fans一齊合照，之後現場熄曬燈，原來佢哋全部剝衫除剩條紅褲仔，明抄早前叫咗班冇上裝大隻佬做服裝店開幕條橋。個個曬腹肌，當中阿葛最搶鏡，為咗演唱會努力減磅，由一百八十五磅肥天師，搣脂後得番一百四十六磅，都穀到少少腹肌。

幾乎係演唱會都去睇嘅 Eason，當晚都係座上客，完騷後即入後台同五男合照，仲手多多摸蔡一傑個腩。由第一場唔記得歌詞，到之後愈唱愈投入嘅傑仔，俾 Eason嘅神手一摸，褲襠位置即時生猛曬，之後 Eason笑佢哋五個似救生員，又話都想好似佢哋咁好身材……喂喂喂，閣下係咪又想上台玩番晚呢，係又唔客氣啦！

放大圖片