探熱針
打爛醋埕 栢芝搵拉姑祭旗
2012年11月01日上週五（十月二十六日），拉姑狄波拉在上環意大利餐廳包場慶祝六十一歲生日，一對仔女及老公傍住，偏偏兩個寶貝孫仔，在母親張栢芝「悉心安排」下去了加拿大，缺席 嫲 嫲壽宴。
據悉，鍾意幹預前夫事務的栢芝，因不滿對方與車沅沅合夥做生意，加上霆鋒公開表明無意復合，栢芝即如炸彈引爆，上星期挾兩子玩失蹤；直至拉姑過完生日，才施施然返港。
拉姑無孫過生日，中正老人家要害出氣，栢芝隔山打牛，向霆鋒報復。
關手機玩失蹤
女大仔大的拉姑，視一對可愛孫仔 Lucas與 Quintus為心肝椗，但六十一歲大壽，逾百親友到賀，唯獨她至錫的兩個孫，卻被栢芝校 啱時間帶走，三仔 乸同飛溫哥華探望家姐戴碧芝，令拉姑壽宴唔齊人。
據悉，上週初，栢芝趁霆鋒與父親謝賢及車沅沅到北京傾生意，靜靜雞帶埋兩子出埠，五歲的 Lucas再做逃學威龍，栢芝更絕到關掉手機，玩失蹤一個星期，斷絕任何聯絡。
明知拉姑最牽掛一對孫仔，栢芝卻悉心安排兩子缺席 嫲 嫲壽宴，一擊即中拉姑要害。
有指壽宴當晚，拉姑心情好麻麻，整晚強顏歡笑，有親友看穿拉姑心事，也不敢當面向她提起兩個孫；對比去年有孫陪過六十歲生日 P的風騷款，差天共地。
為顧及母親面子，霆鋒被傳媒追問兩子缺席拉姑壽宴因由時，亦硬住頭皮維護前妻，訛稱她好有心，幫兩子畫畫送給 嫲 嫲做生日禮物，但實情係乜都無，失蹤贈興。
校 啱時間返港
二十七日（上週六），拉姑正日生日都過埋，玩 嘢栢芝才攜兩子上機，本週日（二十八日）晚七時返到香港，分明作對。
三母子返港當晚，有一名男子接機，栢芝推住坐在 BB車的 Lucas，同行男子幫手抱 Quintus，見到記者，栢芝黑面不發一言離開。翌日，網上出現數張栢芝帶仔返學的復課相，為失蹤一週「補鑊」。
栢芝落拉姑面，實質是對前夫懷恨在心。據悉，月初霆鋒被踢爆與老死車沅沅合作搞生意，二人於今年八月聯名開設「鋒車飲食集團有限公司」，為內地高級食肆任顧問，後知後覺的栢芝即如點著了的火藥，對前夫再次反轉豬肚。
呷車沅沅醋
「爆 咗霆鋒同沅沅單嘢之後，栢芝又發癲，對霆鋒黑口黑面；之後佢收到風霆鋒接受黎芷珊訪問，講明同栢芝無可能復合，栢芝就粒聲唔出帶走兩個仔，霆鋒喺北京返到嚟問番女方家人，先知 啲仔去 咗加拿大，但打極電話都搵唔到栢芝。
「呢招唔係新招，過往佢一唔高興，就擸走啲仔玩失蹤，霆鋒都怕咗佢，有時要揸頸就命，唔敢逆栢芝意。離婚之後，栢芝對霆鋒其實係忽冷忽熱，唔知想點！早排霆鋒 喺訪問自爆患皮膚癌要做手術，仲提到前妻一句：『你 啲咁 嘅衰人無咁易死！』霆鋒講到好似同佢講笑咁，其實當時栢芝 啲語氣好刻薄。」知情者爆。
敢怒不敢言
今年五月，鋒芝戀正式離婚，但外傳栢芝一直悉心策劃「復合」畫面，搵風水師好友 Mick拉霆鋒與她及 Lucas影「復合相」，又安排於深灣遊艇會上演一幕「倒奶會霆鋒」。
「 嗰次栢芝帶兩個仔去遊水，約好霆鋒接仔走，點知霆鋒一去到，就見到有報館記者已經 stand by等佢 嚟，霆鋒都估到係咩一回事！好似今次壽宴玩失蹤，謝家上下都唔開心，但亦唔敢出聲，否則拉姑同四哥想見兩個孫，難上加難。」知情者說。
票房仆 公司縮
婚姻破裂，霆鋒與栢芝的事業亦各走極端。失婚復出的栢芝，被指以八億賣身價簽予內地經理人公司「新亞洲娛樂」，片酬叫價套套過千萬人仔；又效仿前夫，在銅鑼灣開設工作室「 AGE」，計劃以製作人身份開拍電視劇。
但離婚事件令栢芝形象插水， 孭飛的電影套套仆，《影子愛人》、《危險關係》中港票房仆直，連寄予翻身厚望的《河東獅吼 2》，即使有人氣王小沈陽撐住，在內地一樣過唔到億。千萬片酬影後變毒藥，在港開設的製作公司，為縮皮未完租約就遷出，搬去旺角一商業大廈，更由二千呎寫字樓縮到如今只有三百呎左右的細單位，公司內得一個員工睇檔。反之，霆鋒被封好男人好爸爸，後期製作公司「 PO朝霆」業務擴展到國內兼計劃上市，幕前幕後，都比前妻順利。
.[壹週刊]打爛醋埕 栢芝搵拉姑祭旗
http://hk8news-e.blogspot.com/2012/11/blog-post_4793.html
