2012年11月1日星期四

[壹週刊]楊千嬅屎橋避黎明

唔想再提前老闆，千嬅擺仔仔上枱，話自己做咗媽咪之後，緊張小朋友健康多過娛樂花邊新聞。 <br><br>最緊要便便夠靚！（設計對白）

同你吟一吟

楊千嬅屎橋避黎明

2012年11月01日

因為要照顧仔仔 Torres，足足休息咗四個月有多嘅楊千嬅，上個禮拜三（十月二十四日）終於復工，以代言人身份出席醫學美容中心活動。

咁耐冇同記者見面傾偈，千嬅比以前更加開籠雀，自爆儲定人奶俾 B仔，又話生完有升 cup，不過減肥後已經打回原形，家陣仲有十幾磅要減，活動當日，千嬅個雙下巴同豪華臀的確遮都遮唔住，搣脂仍需努力。

唔停口講仔經講減肥，但問到佢有冇打俾失婚前老闆黎明，千嬅轉數同生仔前一樣咁快：「我望住個仔，邊度得閒理其他嘢呀，照顧佢大小二便都夠我緊張，人哋家事，我唔批評！」呢條屎橋都俾你諗到，掂！

放大圖片