同你吟一吟
Sammi陪劉華 巴掌面慶生
2012年10月04日話咁快劉華榮升老豆已經五個月，一個唔夠喉，密謀再搏多個，四十六歲劉太最想為老公生個仔，湊成好字。
上個禮拜，劉華雙親俾傳媒「捕」到，搵中醫幫手執咗兩包生仔藥，可想而知，劉華的確有意再加碼，生蛇仔，實行龍蛇混雜。
生兒育女，成事在天！劉華急唔嚟。上星期六（九月二十九日），劉華同 Sammi喺觀塘為杜琪峯新片《盲探》開工，雖然過咗二十七日（上週四）五十一歲正日，但劇組依然買定壽包，為壽星補祝生日。
見到一大枱（五十二個）壽包，化咗個巴掌印上面嘅劉華同 Sammi，興奮到又跳又叫，等劉華一吹完蠟燭， Sammi第一時間攞起就咬，十分捧場。
劉華好日子，八珍送你四個字：早生貴子！
.[壹週刊]Sammi陪劉華 巴掌面慶生
http://hk8news-d.blogspot.com/2012/10/sammi.html
