2012年10月4日星期四

[壹週刊]滕麗名因小失大

同你吟一吟

滕麗名因小失大

2012年10月04日

成功踢走圈外男友朱建崑（ Matthew）正印女友，名正言順坐正嘅滕麗名，終於認拍拖，有愛情滋潤，以前皮包骨嘅阿滕，原來都識肥。

上個禮拜二（九月二十五日），阿滕一個人揸車去九龍城獅子石道，前少少就有錶位，但阿滕貪方便，將架車 double park，停正響寵物店門外，再入去買寵物用品。

著短褲，粗腿凸腩嘅阿滕，之後行過隔籬鋪買中秋節裝飾，雖然佢不時凸個頭出門口左望右望，睇嚇有冇人抄牌，終於都係避唔過「咖啡嬸」突襲，《壹》仔都俾人趕車。

其實阿滕前前後後買嘢用咗半個鐘都冇，俾四蚊行幾步就乜事都冇，家陣硬食三百二牛肉乾，難怪佢見到張告票，塊面仲燶過見到《壹》仔影相啦。

放大圖片