探熱針
雙重打擊 女友悔婚老友接手 農夫 C君崩潰
2012年10月04日組合農夫的 C君（鄭詩君）和女友 Gloria訂好酒席打算今年結婚，但女方因為嫌棄男友患先天性地中海貧血會遺傳下一代，突然悔婚出走。結婚變分手，但 C君死心不息，一直等女友回心轉意；但二人分手不夠一年， Gloria竟然搭上 C君好友，籠裡雞作反， C君情緒崩潰。
餘情未了
C君與女友 Gloria拍拖以來，離離合合多次，即使一度跟林珊珊女兒西瓜拍拖，但終究又和 Gloria復合。去年拍檔陸永娶妻生子， C君亦萌結婚念頭，還揀定日子擺酒。以為打風都唔甩，點知與 C君一齊多年的 Gloria，忽然介意男友有遺傳病會影響下一代，於是借意申請往澳洲 Working Holiday，悔婚出走。
「 C君從來冇放低過呢段感情，相信女朋友終有一日回心轉意。」知情者說。據知， Gloria離開香港後，兩人仍然保持聯絡，分手尚算是朋友；餘情未了的他，亦未有發展新戀情；可惜襄王有夢，神女無心，早已在澳洲覓得新歡。
「兩個人都分咗手， Gloria有新男友都唔可以怪佢，不過最晴天霹靂係 Gloria個新歡，係 C君老友，所以佢好難接受。」
「朋友妻，咪走雞」活現眼前，灰爆的 C君在 Facebook隱名訴苦，直指前女友毫無顧忌與他的好友拍拖，令他「哭了很久很久，崩潰了」。
重出生天
結唔成婚，但事業卻有轉機，八月已難產的演唱會，有機會重出生天。「上次星煥話搞，但大家連酬勞都冇傾過，今次不但有錢袋價錢仲好 OK，點搞法甚至連海報到形象，農夫仲可完全自主。」知情者說。
除了十一月中的 Star Hall演唱會，農夫還會到馬來西亞和澳門開騷，加上製作費和贊助都有加碼，令農夫軍心大振，偏偏 C君被老友撬牆腳，情緒大受影響。
本週一（十月一日）下午一時許， C君陪完嫲嫲飲茶後，返回灣仔寓所樓下，同行尚有一男性友人。對於女友移情好友，他未肯正面回應。「個故事係喺我嘅好親密朋友身上發生，我已經放低曬，好釋懷！或者呢件事，第日我會喺做騷時，一次過回應。」 C君說。
明知故犯
戲假情真，圈中男女好易一撻即著，有時甚至明知對方是自己老友的另一半，亦照撬！不過就算撬得到手，也未必是好事。
何思諺
陽光妹何思諺跟老友蔡穎恩（ Evelyn）本來老友鬼鬼，前者跟對方男友、 MR鼓手 Tom（杜志烜）合作 MV後，竟然撻 著極速有餡要結婚，雖然 Tom澄清分手並非第三者介入，但前度 Evelyn就暗示陽光妹撬牆腳，要跟二人斷絕來往。
徐若瑄
莫文蔚跟馮德倫拍拖七年， 07年宣布分手，分手前數月已傳出徐若瑄趁莫文蔚出外工作，主動向馮德倫埋身，二人拍拖四年，去年公告正式分開。
.[壹週刊]雙重打擊 女友悔婚老友接手 農夫 C君崩潰
http://hk8news-d.blogspot.com/2012/10/c.html
