2012年10月4日星期四

[壹週刊]公開向父母道歉　趙式芝：「但我冇後悔！」

問 Sean和 Gigi點撻著？「嗰陣（七年前）我搵阿 Gi做 PR，接觸多咗，發覺佢係個好善良、好爽嘅女仔。」

探熱針

公開向父母道歉　趙式芝：「但我冇後悔！」

2012年10月04日

趙式芝高調宣布和波爾錶太子女楊如芯巴黎結婚，令趙世曾使出一招五億招婿還擊，姚煒指責她們「愛有罪」，眼見雙親陷於痛苦，趙式芝說：「對於公開我同 Sean嘅關係，我冇嘢後悔，但因為我倉促宣布令父母受傷害，我要向佢哋道歉。」

五億瘋狂

趙世曾決意棒打鴛鴦，上週一公開以五億招婿拗正阿女，引起國際傳媒如 BBC、 CNN、路透社、美聯社等爭相報導，姚煒嬲爆話：「成件事變成鬧劇，我唔想再講嘢。」對於父母的過激反應，趙式芝坦認是她處理不當，「宣布嗰刻係我有啲衝動，我對整件事要道歉，因為成件事太倉促，未得到父母嘅同意，令佢哋覺得突然、難受。」趙式芝坦言與 Sean的關係、性取向都光明正大，「傳媒對我哋嘅婚事、性取向有興趣，係來自兩位老人家多年嘅聲譽，我哋做嘅嘢令傳媒追訪佢哋造成滋擾，令佢哋受傷害，我要向佢哋道歉。」

Sean不想身邊人接受各國傳媒訪問，令事件變成國際的茶餘飯後話題，趙式芝卻另有看法，「傳媒覺得我會好嬲爹哋，我唔想佢哋誤會，其實呢件事我覺得幾 touch，呢啲係佢愛我嘅表達方法。」她在 BBC訪問中大讚 Sean，「我係因工作認識 Sean，跟住我哋互相了解，之後就係咁啦！ Sean係個好重視家庭嘅人，所以佢好想我哋去教堂，戴上戒指。」

放大圖片

婚禮在巴黎的 Eglise Catholique Gallicane舉行，由神父為她們祝福。

放大圖片

她們在巴黎鐵塔前影了一輯「結婚相」。

放大圖片

上週四晚 Gigi接受美聯社訪問，同日她已做了路透社和 BBC的採訪。

放大圖片

各地傳媒都訪問或轉載趙世曾五億為同性戀女兒招親的新聞。

驚被綁架

趙式芝雖已表白心跡，趙世曾亦話：「一定要係中國人。」但五億招親經傳媒廣泛報導後，每日有上千個來自世界各地的「應徵者」，透過電話、電郵、 Facebook等接觸女主角，累積至今已有近三萬追求者，令趙式芝不勝其煩，「秘書話有好多黐線人打嚟，搞到佢哋好煩，我根本做唔到嘢。」 Sean接住話：「佢近日收埋好多核突示愛 email，外面又有咁多癲人，佢都驚俾人綁架，我已經幫 Gigi搵緊保鏢。」不過趙世曾反而無有怕，「香港有五億嘅人大把，冇呢個擔憂。」

放大圖片

姚煒曾因 Gigi性取向避走上海兩年，後因信主與女兒修補關係。

放大圖片

二人留在巴黎度蜜月，開心到爆！

放大圖片

趙世曾玩世不恭，但趙式芝（右）說他是好父親，亦接受他每一個女朋友。

放大圖片

上週六下午她們去了深水埗做義工，派餐給無家者過中秋。

Sean除了擔心趙式芝的人身安全，最不滿是有傳她利用 Gigi替波爾錶宣傳，「我知阿 Gi媽咪好嬲，之後佢 whatsapp我，話我利用 Gi幫波爾錶做宣傳，我知出面啲人都係咁睇，我覆番阿 Gi媽咪話我哋每年用幾千萬做宣傳，唔需要咁做。」 Sean更激氣是有傳媒盜用她的 Facebook相，「當啲（結婚）相登出嚟，我個人癲曬，個個都以為我周圍發相俾人，我已經出咗律師信追究。」事發後，姚煒只肯透過 whatsapp與女兒通話，至上週六才肯相約午飯和好。

上月趙式芝與 Sean代理的 A.D.M.J.手袋，位於崇光和美麗華商場的門巿都已結業，有指 Gigi要賣掉銅鑼灣四百多呎物業填數，她聞言笑說：「 Funny!」 Sean代為解釋：「阿 Gi層樓四年前已經賣咗，因為當時佢同我一齊住；我哋唔做 A.D.M.J.係冇時間，加上 Sogo要收番個位，美麗華個場又太靜，我哋寧願蝕幾十萬訂唔做。」

面對是是非非，趙式芝語重心長的說：「我係過來人，見過上一輩因傳媒挑撥離間，講咗啲有刺嘅說話造成家庭破裂；我唔想我父母受傷害，因為我哋都好愛大家。」