2012年10月6日星期六

[壹週刊]攝位上　年穀七劇攞硬「飛躍獎」　黃智雯做楊怡第二

探熱針

攝位上　年穀七劇攞硬「飛躍獎」　黃智雯做楊怡第二

2012年10月04日

演藝學院畢業，廿九歲的黃智雯（ Mandy），○七年參選港姐入無綫，至今已拍了二十套劇。一○年《搜下留情》的「鵪鶉妹」，還有今年《缺宅男女》的巴辣「關二嫂」，成功入屋，與「關二哥」梁烈唯情侶檔出席活動長做長有，還一起接拍電影。

現正與黃宗澤、周麗淇、苗僑偉拍搞笑新劇《好心作怪》的黃智雯，扶搖直上，還有兩個月舉行的「台慶頒獎禮」，在幾乎冇對手的情況下，「飛躍女演員獎」將是潑辣關二嫂囊中物！

潘嘉德班底

加入無綫接近五年，黃智雯（ Mandy）無論做俾人蝦的「鵪鶉妹」，或衰格口臭的「關二嫂」，小人物角色拿捏得準，演技令觀眾激讚。成功入到屋，無綫俾機會力穀，今年已有四套劇出街，兩劇未播的她，現正埋位拍潘嘉德新劇，長拍長有。

「好多謝德哥俾咁多機會我，而家我都可以叫係佢嘅班底，今次又係新嘗試，做個女公關，係個成日講大話嘅老千。」做過惡婆、鵪鶉妹、泥水妹同硬朗女警的 Mandy，幾乎每次都執到好籌，角色有得發揮。

放大圖片

黃智雯被捧做楊怡第二，大直路向當家花旦進發。

在《好心作怪》中， Mandy掹車邊首次做女主角，與另一女主角周麗淇爭仔黃宗澤（ Bosco）。上星期，劇組先後在觀塘碼頭及長沙灣大牌檔拍外景，劇情指 Bosco及王浩信合力抬起 Mandy，作勢將她掟落海，著住三吋鬥零高踭鞋的她，因為驚自己會失足墮海，排戲時已大叫大嚷，夠曬逼真。

放大圖片

與黃宗澤合作新劇，黃智雯做大話女公關，辣㷫 Bosco及王浩信要掟她落海，穿鬥零踭的她難平衡，試戲時已驚到 V嘩鬼叫。

放大圖片

三人在碼頭傾偈，剛失戀的 Bosco口黑面黑，他解釋自己並非心情唔好，只是劇情需要喎！

攞獎有信心

放大圖片

與胡杏兒（右二）及胡定欣（中）等成立「胡說八道」會，五位成員有空便相約全女班夜蒲。

今年分別有《缺宅男女》、《 On Call 36小時》、《飛虎》及《巴不得媽媽》四劇見街，提到《缺宅》的關二嫂一枝獨秀，今年擸硬「飛躍女演員」， Mandy謙虛說：「仲有好多劇未出，未必係我㗎！信心我係有，不過《巴不得》嘅泥水妹同《 On Call》嘅硬朗醫生我都好鍾意。」對外界睇好她可憑「關二嫂」攞埋「最佳女配角」獎，她說：「嘩！咁多對手，有提名已經好開心喇！」

演技有番咁上下，扮乜似乜，在缺人的情況下，有指無綫準備將走性格路線的黃智雯，捧為另一個楊怡，做當家花旦。