2012年10月6日星期六

羅樂林雷霆掃街

2012年10月05日

喺《雷霆掃毒》飾演「準哥」嘅羅樂林，劇中有「老婆」呂珊為佢斟茶遞水，不過現實生活中，就要一腳踢照顧自己飲飲食食。前排媽咪姐喺九龍城見到就快嫁女（羅苡芝）嘅佢，佢先係入咗超市行咗一陣，之後再到街市逛下，不過都係揀唔啱。

於是放棄自煮，改為到燒臘舖買咗盒叉燒飯外賣同紙包飲品醫肚。不過羅樂林經過麵包舖時，見到啲菠蘿包幾靚，於是又買咗一個走，當係飯後甜品。羅樂林今年都 69歲，仲係咁食得，真係好胃口過好多後生仔，犀利！

羅樂林不嬲係家庭煮夫，但呢日行咗轉街市都揀唔啱心水。

咪以為男人一定粗心大意，羅樂林揀個包都真係鬼咁用心去揀㗎。