媽咪姐
港殤同哀
2012年10月05日
十•一國慶假期，媽咪姐安坐家中，印印腳同屋企人食住月餅追月，但睇睇嚇電視，忽然有即時新聞報道話南丫島海面發生撞船意外。唉，嗰嚇已經有啲擔心，心諗大時大節出海，通常都係一家大細去玩，發生呢啲事真係特別危險！點知一路睇落去，先知件事原來比想像中嚴重，死亡數字不斷上升。第二日睇報紙，見到好多生離死別，有失蹤者家人明知機會渺茫，仍堅持搵落去，媽咪姐個心真係好噏。
呢兩日上網，見到一班圈中人同我哋一樣傷感，喺呢個時候，只願逝者安息，幸存者振作，大家用心珍惜眼前人。
王菀之發起
明星教友齊禱告
身為基督徒嘅王菀之，雖然身在外地工作，但一知道南丫島發生海難，即在微博貼文，叫大家為所有人祈禱。教友鄭秀文、蔡少芬、王祖藍等即轉發微博，一起禱告。
方力申飛魚的忠告
曾經係香港遊泳代表隊隊員嘅方力申，知道國慶假期有學生喺石澳遇溺，已叫大家「別低估水的威力」。隨後聽到南丫島撞船事故多人死傷，再發微博慰問，有心。
小儀一夜無眠
陳芷菁嘆生命脆弱
霍汶希籲唸佛迴向
英皇高層兼金牌經理人 Mani（霍汶希）呼籲大家唸六字大明咒，迴向俾仍失蹤嘅市民。旗下藝人古巨基及蔡卓妍都喺微博留言，希望逝者安息。
.[忽然1周]港殤同哀
http://hk8news-d.blogspot.com/2012/10/1_2533.html
