http://hk8news-d.blogspot.com/2012/08/plan.html.
同你吟一吟
試定雪裝 陳豪 plan好同陳茵媺遊埠
2012年08月30日早排陳豪公開講過，希望夾到時間同女朋友陳茵媺拍拖遊埠，至於地點同形式，佢就話最想係去啲少人地方，二人世界無人騷擾，事關兩個拍 咗拖咁耐未試過一齊旅行，但女友就快要開劇，旅行大計唔知幾時先可以落實。
公開表心跡！估唔到陳豪仲即刻做 嘢！星期一（八月二十七日）下午，《壹》仔 響中環撞見陳豪，去 咗間專賣戶外同爬山用品 嘅專門店。
長袖衫仲要戴埋帽，陳豪行到身水身汗，入到鋪頭第一時間不斷抹汗，但佢都未歎夠冷氣，就醃住臭汗著咗件 Gore-Tex厚褸上身，再戴埋冷帽同滑雪用眼罩，著到冰天雪地咁款。咦！佢想學梁朝偉劉嘉玲，同豪嫂拍拖出門滑雪，抑或試定衫做收錢代言人呢？隨時兩樣都中！
