媽咪姐手帳
依家係食大閘蟹嘅季節，好似Eason咁，佢月中喺上海舉行完巡迴演唱會後，當晚就拉大隊到著名食府擦大閘蟹！去到酒樓仲撞見差唔多食飽飽嘅容祖兒同一班同事，佢即刻話：「呢餐等我請啦！」Eason咁闊綽，祖兒亦好識做，喺微博大讚：「出路遇貴人…豪邁的他還堅持不讓我們付帳，這種朋友不知可以在哪裏找第二個…你是唯一的。」Eason請一餐蟹宴，算得係乜吖！難得係佢長搵長有吖嘛！
Eason一個人請曬容祖兒、阿嬌等九個人食飯，之後仲玩埋掟蛋糕，節目真係好豐富呀！
硬啃「王祖藍」
講開陳奕迅，大家有無留意佢近排熱播嘅瑞士糖廣告。起初遠鏡未睇真女主角樣貌，廣告尚算正常，但隨即嚟個close up，嘩！當堂嚇一跳，點解王祖藍又扮女人，仲要同Eason拍廣告?再睇真?唔係王祖藍嚟喎，媽咪姐即時有疑問，點解要搵個咁重口味嘅model同Eason拍廣告？莫非呢位女主角係瑞士糖個太子女? ####
碎料嚟啫！(設計對白)
瑞士糖發言人王小姐話個女仔叫楊之瑤，係國內女模，拍過內地數個廣告，但係乜廣告就唔多清楚，仲話佢絕對唔係瑞士糖太子女。
難為Eason要深情地望住女主角，錢真係唔容易賺㗎。
網民鬧爆點解搵個咁醜嘅女角?話搵祖藍扮女人好過， 原來祖藍扮女人有市場喎！
搵我拍咪得囉，收平啲又點話！(設計對白)
847期
