媽咪姐手帳
鄭佩佩愛女原子鏸入行十幾年，一直紅唔起，比起佢媽咪嘅星運明顯差好多。難得佢對娛樂圈仲好有熱誠，最近仲打算進軍樂壇出唱片㖭。
上個星期五（14日），媽咪姐喺ifc撞見鄭氏兩母女跟一個四眼男一齊行街。已經好多年冇喺幕前露面嘅原子鏸，依然好豐滿，話減肥咁耐都似乎冇乜點瘦過。相反阿媽鄭佩佩一身黑長衫黑西褲，搭埋條長頸巾再配埋副超，英姿颯爽，貫徹女俠風範。原子鏸應該要學吓。 ####
嗰日原子鏸着件低胸背心配短褲，外加一件格仔長袖恤衫，胸前嘅事業線十分之明顯，如果可以瘦番十幾磅嘅話，一定索好多。
阿媽，你仲好有星味呀！（設計對白）呢啲咪叫寶刀未老囉。（設計對白）原子鏸得媽媽鄭佩佩支持發展娛樂事業，可惜星運平平。遲吓佢仲會出唱片，希望到時有機會發圍啦。
847期
