2013年2月8日 星期五

[忽然1周]三大玄學家蛇年大批 郭富城熊黛林結婚添丁

好!就今年俾個名份你啦!(設計對白)


滾熱辣

三大玄學家蛇年大批 郭富城熊黛林結婚添丁

2013年02月08日

剛過去的龍年,娛樂圈情侶唔再收埋戀情。連續攻城六年的熊黛林,其父早前出殯,郭富城以女婿姿態為嶽父打點一切,感情進入穩定期。就連林峯亦在台上大叫「多謝 BB(吳千語)」,完全唔怕肉麻!究竟佢 哋 喺蛇年會唔會有新突破呢?

本刊搵 咗三大玄學家李丞責、麥玲玲及吳佩孚,預測眾星蛇年運程。城城被批隨時結婚兼做老竇,安仔 Sammi亦會開花結果喎!三位師傅仲批到有藝人會爆紅,一齊睇嚇蛇年有幾爆先!

放大圖片

卒之等到啦!(設計對白)

放大圖片
放大圖片

上月熊黛林喪父,郭富城連續兩日陪守夜兼上山,兩人感情又邁進一大步。

放大圖片

吳佩孚

放大圖片

麥玲玲

放大圖片

李丞責

城城黛林隨時生仔

吳佩孚:「城城今年紅鸞星動,下半年感情會更進一步,熊黛林下半年隨時添丁。」

李丞責:「兩人蛇年感情會有波動,沖喜結婚最合適。」

麥玲玲:「熊黛林姻緣命格有種『臨門失準』之象,到談婚論嫁階段仍會起暗湧,最好把握利好年份『拉埋天窗』。今年都係時候喇!」

祖兒浩龍有暗湧

放大圖片

吳佩孚:「佢 哋蛇年有機會到外地秘密結婚,容祖兒旺夫,婚後夫運強。」

麥玲玲:「暗湧頗多,尤其祖兒在蛇年年柱與日柱皆相合,最多變動。而劉浩龍命中劫財偏重,兩人在蛇年關係若無正面突破,則有倒退之象。」

林峯千語 BB有機閃婚

吳佩孚:「林峯行正印貴人星,除 咗有獎有女人之外,蛇年好大機會閃婚。」

李丞責:「林峯同吳千語感情會有新 嘅發展,蛇年會進入另一個階段。」

麥玲玲:「林峯蛇年事業唔錯,有利獲獎。感情方面同吳千語冇相沖,佢 哋蛇年都好旺桃花。」

放大圖片
放大圖片
好!就今年俾個名份你啦!(設計對白)

Sammi安仔雙喜臨門

放大圖片

吳佩孚:「蛇年會發生一件事情,令兩人感情更勝從前,有機會蛇年結婚。」

麥玲玲:「安仔蛇年合月合日,屬結婚年; Sammi蛇年同屬結婚時機,更有機會即年有喜,結婚、添丁同年發生。」

楊怡謙謙有第三者

放大圖片

吳佩孚:「感情有變,蛇年會較多鬧交,有機會分手收場。」

李丞責:「楊怡蛇年運氣好,羅仲謙有桃花運,好容易有第三者介入影響感情,要小心。」

麥玲玲:「無沖無合之年,流年運勢仍算安穩。但羅仲謙本身夫妻宮長期受沖,姻緣多變。」

陳豪茵媺結婚無望

放大圖片

吳佩孚:「陳豪蛇年犯太歲,可能有官非甚至交通意外,蛇年同陳茵媺未必結婚。」

李丞責:「陳豪犯太歲,如果沖喜會有幫助,不過蛇年結婚機會微。」

麥玲玲:「感情非常穩定,亦屬理想情緣,但蛇年兩人事業運都唔錯。陳豪有利四處走動,陳茵媺有貴人扶助,馬年先係結婚好時機。」

失婚男女

黎明難覓真愛

放大圖片

吳佩孚:「蛇年感情運唔錯,有女埋身,但唔會係真姻緣。」

麥玲玲:「黎明最快要到馬年( 2014年)真命天女先出現,仲有機會閃婚。」

好!就今年俾個名份你啦!(設計對白)

樂基兒行桃花運

放大圖片

吳佩孚:「行桃花運,唔憂冇男朋友。」

麥玲玲:「蛇年旺桃花,會有新景況出現,感情發展得不錯。」

張栢芝戀人夫

放大圖片

吳佩孚:「栢芝會有人夫追求,隨時介入做第三者。」

麥玲玲:「栢芝命中會有第二段婚姻,蛇年會有新戀情,但唔會今年結婚。」

謝霆鋒再結婚

放大圖片

麥玲玲:「蛇年提防膝頭腰骨關節損傷,喺內地發展不錯,亦有新感情發展。霆鋒命中有兩段婚姻,但未必喺蛇年發生。」

上位之星

蛇年娛樂圈有七赤破軍星,飛臨正西方兌宮,即係話蛇年有藝人會上位爆紅,睇嚇係邊個先!

好!就今年俾個名份你啦!(設計對白)

岑麗香人氣飆升

放大圖片

吳佩孚:「香香蛇年感情運麻麻,好容易遇到愛情騙子,不過事業運就好好,見報率會相當高,財運同人氣都會高企。」

陳煒有觀眾緣

放大圖片

吳佩孚:「陳煒行三合貴人星,蛇年大有作為,觀眾緣會相當好,不過如果佢今年有喜的話會對運程有影響。」

鄭嘉穎再攞視帝

放大圖片

我 Law霸今年攞硬視帝!(設計對白)

吳佩孚:「鄭嘉穎蛇年行三台星,有機會再攞視帝,仲有將星跟住,想唔紅都好難。」

梁烈唯名利雙收

放大圖片

吳佩孚:「唯唯蛇年有官非星,但唔代表唔好,反而有利名氣,會有好多人搵佢拍戲。」

麥玲玲:「唯唯蛇年事業運唔錯,知名度會倍數提高。」

好!就今年俾個名份你啦!(設計對白)

志偉官司甩難

去年 12月曾志偉涉嫌摑黃浩被捕,單官司踏入蛇年都未完結,月底志偉仲要去警署報到,結果係點仲有待發展。

吳佩孚:「志偉命格屬火,蛇年火旺,如果打官司好難會輸。黃浩屬水,蛇年水弱,打官司唔 著數,所以好難告得入曾志偉。」

麥玲玲:「到 咗蛇年,單官司會不了了之,打唔成。」

放大圖片
放大圖片

我未驚過!(設計對白)

老人家小心身體

以往逢 3字尾 嘅年份,娛樂圈都有巨星隕落, 93年黃家駒、 03年張國榮、梅艷芳。曾經狠批梅艷芳過不到 03年的吳佩孚,對於「 3字尾」的詛咒有另一番見解。

吳佩孚:「 13年娛樂圈唔會有巨星過身,不過位高權重而又年紀老邁 嘅人,要小心身體,佢 哋最容易出事。」

姓萬、姓馬

蛇年大旺

吳佩孚:「蛇年旺火、旺木,姓馬、姓萬嘅蛇年都會大旺,事業運更加好,其中馬浚偉、萬綺雯都會大旺。」

放大圖片
放大圖片

女星添丁

仔女無人嫌多,有米女星生夠十個八個都冇問題。娛樂圈幾位富媽媽,蛇年隨時又做媽咪!

放大圖片

楊千嬅又添丁

麥玲玲:「楊千嬅同丁子高為六沖生肖,兩人蛇年下半年有機會再添丁,更傾向生蛇仔。」

放大圖片

陳慧琳難追女

吳佩孚:「蛇年未必有喜,命格唔會有蛇仔蛇女,想再追要到 2014年。」

放大圖片

李嘉欣外地造人

吳佩孚:「丁星火旺,要有喜絕對唔難,到外地會更容易有喜。」

麥玲玲:「肖狗的李嘉欣,去外地造人成功機會較大。」

放大圖片

邱淑貞機會微

吳佩孚:「蛇年六合貴人,運氣好,不過今年冇子女星,有喜機會唔大。」



.[忽然1周]三大玄學家蛇年大批 郭富城熊黛林結婚添丁
http://veryy8.blogspot.com/2013/02/1-1_8621.html
.[忽然1周]三大玄學家蛇年大批 郭富城熊黛林結婚添丁
http://veryy8.blogspot.com/2013/02/1-1_8621.html