封面
三藩市賣樓擸錢 失婚樂基兒東京陪老細
2012年12月19日年齡相差 14載，結婚 4年的黎明和樂基兒（ Gaile），始終不敵意見分歧，上月向外宣布離婚。
據知，分手後二人簽訂離婚協議，前夫黎明豪爽地一筆過畀五千萬港幣及位於三藩市的三間獨立屋予樂基兒作補償。而選擇離開香港，過回吃喝玩樂單身生活的樂基兒，週日（ 15日）亦現身東京陪廣告公司老闆和製作同事吃飯消遣。 Gaile近日更專程返三藩市為出售其中一間大屋套現張羅。情已逝，當然係套現最實際。
05年黎明撻著鬼妹仔性格的樂基兒，坊間無人睇好，皆因二人性格、品味南轅北轍，果然 7年情最終畫上句號，上月更宣布正式離婚，結束 4年夫妻關係。
Gaile去到東京公幹都不忙將美食，第一時間上載刺身相上網公諸同好。而 Gaile今次跟老闆食晚飯的「築地虎杖別館」，是曾出現在黃金傳說前三名的碗飯店。以刺身夠新鮮聞名。一碗海膽刺身飯約 2,100円（約港幣 200元），價錢不算太貴。
東京復工
公告離婚後，樂基兒極速離港，更不時在網上透露其玩樂行蹤。玩得多都要接嚇工作，上週五（ 14日）樂基兒起程到東京為某大品牌拍廣告硬照，上週六（ 15日）傍晚六點半，樂基兒拍攝完畢，即出現在東京築地一間壽司店，同行還有二位日籍工作人員和日籍白髮製作公司老闆。現場所見，樂基兒精神飽滿，雖然不精通日語，不過仍盡量用身體語言表達，加上笑容滿面，離婚後的樂基兒似乎比以前更耀眼。
雖然樂基兒並不是第一次到東京，不過日籍白髮老闆在晚飯後都親自載住樂基兒四處遊覽，如東京鐵塔、六本木等名勝，遊車河近一小時，白髮老闆直接送樂基兒返酒店，準備週日繼續拍攝。
賣屋吸金
據知樂基兒完成今次拍攝後會折返娘家三藩市，陪屋企人過聖誕節外，還有另一目的。
「以前 Gaile喺香港生活壓力好大，連 瞓覺都會揸實拳頭，放鬆唔到，所以 Gaile唔會再長時間留 喺香港 㗎喇，之不過仲未決定去邊度落腳。加上冇 咗 Leon呢個束縛，佢真係想放鬆嚇自己，四圍玩嚇先，暫時都唔會接大 job。所以佢決定賣 咗一間屋套現用住先，橫掂都仲有幾間屋畀佢收租。其實已經有人睇 咗屋，係爭佢返三藩市老家簽埋個名。」樂基兒身邊人說。
二人於年中簽訂的離婚協議上，樂基兒並無太多要求，亦無要求黎明每月支付贍養費，最終黎明決定一次過畀五千萬港幣，另外再加三間位於三藩市的獨立屋作補償。
三藩市樓後
今年 32歲的樂基兒十幾歲便入行做模特兒，一早明白唔會紅足一世，加上得到黎明揼水， 30歲前已開始喺家鄉三藩市投資物業保值，由自己投資加埋黎明送贈， Gaile大大話話起碼有 6項物業揸手。即使最近賣咗其中 1間，仲有 5間大屋；所以 Gaile離婚後，絕對唔擔心冇錢使。
唔住最豪
今次 Gaile喺東京入住 嘅酒店聖羅輪塔東急酒店（ Cerulean Tower Tokyu Hotel）屬 5星級酒店，位於澀穀區，現時最平每晚約 2千 7百港元。雖然地理方面唔算太方便，但唔少愛去東京 嘅名人近年都轉住呢間酒店，貪其少香港人私隱度高，又旺中帶靜。
「物業多過 Leon」
其實樂基兒和黎明的離婚協議，早在樂基兒上月離港前接受訪問時已露玄機。「我 哋 喺三藩市係有一齊投資一啲物業，但點去處理我唔可以透露，有好多好多可能性。我自己都有幾間唔係好貴 嘅物業 喺美國幾個唔同 嘅地區……因為我媽咪同我講過，做 model唔知可以做幾耐，所以一定要先儲錢買間屋，如果將來老 咗、病 咗，都仲有呢 啲物業作為收入。所以我好鍾意儲錢同買物業， 喺物業 嘅數目上，我一定多過 Leon！ But加埋曬都唔會好似佢一間咁貴囉！」訪問中 Gaile不時都提住 Leon好 sweet，二人有好多甜蜜回憶，可惜相處唔到，長痛不如短痛要分開。
本週一，記者致電 Gaile的經理人陳善之，詢問 Gaile今次於日本工作細節，陳善之話：「佢係喺日本做緊一個品牌嘅續約工作，咩品牌唔可以透露住。至於香港嘅工作，最快都排到明年，有好多仲傾緊，暫時未透露得。」
Cuz冇下文
早前傳出 Gaile有新仔 Cuz（左二），二人仲結伴喺峇里遊山玩水，不過據知 Gaile至今仍是單身，未有男友。
落寞黎明
失婚 Gaile生活精采，而前夫黎明就繼續一貫作風，少說話、多慈善，至多都係近日佢俾人翻炒同張曼玉嘅陳年緋聞叫做有啲 noise。上月二人便齊齊出席 Unicef慈善活動。
玩樂無窮
同黎明結婚後， Gaile一直受老公監管，唔好話冇得夜蒲，甚至連上載相上 facebook都唔敢。𠵱家重獲自由， Gaile有如重獲新生，周遊列國、四圍玩樂。更一一上載上 instagram唔怕曝露行蹤。
50萬黑妹
離婚後 Gaile大放縱，除咗不停四圍飛之外，仲曬到黑妹咁返港行騷。上月佢接嘅積家表活動，便穩袋 50萬酬勞。
秘書唔撈
上年黎明同 Gaile合作開咗一間公司，名叫「昕倩有限公司」，不過隨著婚變，黎明於 7月已辭任「董事」一職。去到 10月，秘書「 P&P MANAGEMENT SERVICES LTD.」亦辭任，剩番 Gaile一個。
.[FACE]三藩市賣樓擸錢 失婚樂基兒東京陪老細
http://veryy8.blogspot.com/2012/12/face_9875.html.[FACE]三藩市賣樓擸錢 失婚樂基兒東京陪老細
http://veryy8.blogspot.com/2012/12/face_9875.html
