2012年12月19日星期三

[FACE]保護女神　澳門拍劇巧危險　鍾嘉欣搵父母擋老細飯局

真面目

保護女神　澳門拍劇巧危險　鍾嘉欣搵父母擋老細飯局

2012年12月19日

出外拍劇有幾凶險，睇當年《人生馬戲團》就知啦！ 7年前有份拍嘅鍾嘉欣，本月隨大隊到澳門拍攝新劇《巨輪》，雖然嘉欣 BB喺澳門得幾日戲分，不過澳門最近隨住崩牙駒出獄難免再風雲變色，嘉欣父母當然唔放心。

為咗保護愛女，嘉欣 BB父母更由加拿大飛去澳門，仲同愛女瞓埋一間房，全天候釘實愛女。就算贊助該劇嘅鉅記老闆叫到出席飯局，嘉欣父母都一於跟到實，保護女神真係一秒不能鬆懈。

放大圖片

6日鉅記請台前幕後食飯，嘉欣父母亦喺邀請之列，仲同阮兆祥、貝安琪等，坐埋同一架車出發，唔知 TVB有冇問嘉欣收番租車錢呢？

放大圖片

飯局除咗有鉅記老闆梁燦光（左），珍姐（右）及監製王心慰等都有畀面，有珍姐睇實，鍾父唔使咁擔心喎！

無綫重頭劇《巨輪》以著名澳門手信店鉅記餅家嘅發跡史作藍本。故仔講鉅記，當然要喺澳門拍先傳神。劇組更要喺馬交逗留成個月，身為女主角鍾嘉欣當然唔例外，要喺澳門住幾晚。

放大圖片

成家食$200 <br><br>前週三（ 5日）嘉欣由朝早 5點開工到晚上 6點先收工，不過都同父母去附近食越南菜，三個人埋單大約 200蚊，成家都原來咁慳！

成家食$200

前週三（ 5日）嘉欣由朝早 5點開工到晚上 6點先收工，不過都同父母去附近食越南菜，三個人埋單大約 200蚊，成家都原來咁慳！

放大圖片

10級戒備 <br><br>嘉欣父母全程跟實愛女，就算過馬路，阿媽都繑實個女隻手，真係緊張到呢！

10級戒備

嘉欣父母全程跟實愛女，就算過馬路，阿媽都繑實個女隻手，真係緊張到呢！

同父母匿一房

05年喺番禺拍《人生馬戲團》疑似發生過不快事件。當年有份拍攝嘅嘉欣 BB，亦傳過失蹤兩小時，所以嘉欣這次到澳門取景，其父母亦相當緊張。本月 5日由加拿大返港後，便即刻搭船去澳門，更同嘉欣住埋同一間房，實行全天候保護女神。

本月 5日嘉欣收工後，先同父母去食越南菜。翌日就算要出席鉅記老細梁燦光邀請嘅飯局，嘉欣父母亦一於跟到實，至上週六（ 15日），鉅記老細再宴客，鍾嘉欣則大條道理要陪父母而婉拒，據知情人士說：「 Linda（鍾嘉欣）父母知阿女要出埠，所以專登跟埋佢去㗎， Linda去邊佢哋都好緊張，雖然佢哋住埋一間房，不過 TVB話只係包鍾嘉欣單人房錢，如果要轉雙人房就要自己畀錢喎，其實間酒店（金麗華酒店、前澳門文華東方）都係千幾蚊晚，無綫咁都要 Linda補番錢，真係有啲孤寒囉！」可以 24小時保護愛女，千幾蚊抵畀啦！

手信街誇傳：冠名價過億

鉅記今次贊助《巨輪》拍攝，除咗經常請劇組食飯外，送禮亦相當大手筆，開鏡拜神當日，採訪傳媒每人一大袋鉅記禮品。喺澳門拍攝期間亦幫無綫申請封路，更入住 5星級金麗華酒店。至於《巨輪》劇中以羅信記代替鉅記，但澳門街有誇到痺流言話鉅記曾想用回真名拍攝，可惜因天價 1億作罷。不過𠵱家套劇都叫《巨輪》，又以鉅記作藍本，唔使寫到明都知啦！

放大圖片