2012年12月19日星期三

[FACE]冰鎮玉女　 11℃海水冰鎮　失憶詩雅死 3次

真面目

冰鎮玉女　 11℃海水冰鎮　失憶詩雅死 3次

2012年12月19日

冬天凍冰冰，平時早起返工返學已經惡頂，要浸住冰水拍戲更加難捱。

早前詩雅為 Goyeah.com的微電影《兜售回憶》拍落水戲，劇情講意外失憶的詩雅，分別在沙灘、泳池及浴室連環自殺。

當日早上只有 11、 12度，要濕身拍足 3個鐘的詩雅，有替身唔用，薄衣露腿親身上陣凍到面青口唇白騰騰震，要不停飲薑茶保暖。

拍微電影都搵命搏，唔怪得又有機會同謝霆鋒任達華開新戲啦！

戲中飾演失憶少女的詩雅，晨早 6點已到西貢相思灣化妝，與助手坐在海邊吹冷風培養感情，等到 8點先正式埋位拍攝。當日氣溫只得 11度，而且落住微雨寒到震，詩雅著住黑色薄紗裙同牛仔恤衫，拍完幾個坐沙灘講電話鏡頭後，即要抵冷拍落水戲。

放大圖片

浸足 3粒鐘

放大圖片

沒頂 <br><br>浸到上心口，跟住直頭成個頭沉埋落水，夠專業，反而攝影師哥哥著曬潛水衣保暖，孱咗啲喎！

沒頂

浸到上心口，跟住直頭成個頭沉埋落水，夠專業，反而攝影師哥哥著曬潛水衣保暖，孱咗啲喎！

放大圖片

替身他條

替身坐足一朝勁他條，反而詩雅要狂飲熱水保暖。

放大圖片

凍到震

拒用替身

最初詩雅行到水深及膝的水位已打咗幾個冷震，後來應導演要求愈行愈出，直到完全浸過頭，更要來回行幾次試位及拍攝不同角度。每次上水，助手即衝上前為詩雅披上毛氈，又遞上熱辣辣薑茶，但濕到上頸的詩雅依然凍到面無血色。

原本導演只要求詩雅浸到腰已收貨，其餘由替身負責，但做過救生員的詩雅決定攬曬上身自己搞掂，所以連沒頂鏡頭都親身上陣，一停機即獲得全場工作人員拍手鼓勵，連女替身都戥佢凍，細細聲話：「嘩，佢凍到面都青埋呀！」

放大圖片

HKTV劇集《還來得及再愛你》中，詩雅同唐禹哲吸血殭屍玩人鬼戀，咦，咁似《吸血新世紀》？

放大圖片

詩雅著曬低胸裙出席 HKTV記招，比起平時密實 look索得多。

放大圖片

唞唔到氣

浸完鹹水，冇時間沖身的詩雅，醃住鹹水立即轉場去泳池再拍落水戲，一直以為沙灘自殺戲係最辛苦的詩雅，落到泳池先知出事，「我以為一早去沙灘會好凍，點知泳池水凍好多，好似冰水咁！加上我要喺泳池做個抱膝嘅動作，工作人員於是綁咗大嚿鉛喺我身上，如果我唔夠氣就要揮手叫蛙人抱我上水唞氣，弊在成日都趕唔切上水，搞到我飲咗好多啖水！呢場戲絕對係我拍戲生捱中，最辛苦嘅一場！」認真拍攝，換來更多機會，將有機會同影帝霆鋒合作新戲，幾辛苦都唔怕啦！

3女神鬥演技

《兜售回憶》改篇自深雪的同名小說，由 3個故事組成，分別由詩雅、陳嘉桓及周秀娜做女主角。電影講詩雅開了一間寄賣二手物件的小店，但該物件一定要有一個關於回憶的故事。詩雅因意外失憶，要不斷接觸水去找回記憶；陳嘉桓糾纏在兩個有錢男友中間，最後決定寄賣男友送的手表（咁似某廣告？）；而娜姐的男友因病突然離開，死前將心臟移植畀另一個男仔，男子決定搵娜姐重新開始可惜被拒，後來拎咗娜姐一隻耳環去寄賣，希望有朝一日娜姐自己買番。

放大圖片