[FACE]最後浪漫 婚期拖住 蒙麵日本倒數末日

真面目

最後浪漫　婚期拖住　蒙麵日本倒數末日

2012年12月19日

39歲蒙嘉慧（ YoYo）與 45歲鄭伊健拍拖 6年，傳結婚傳了 N次，依然未嫁得出。

拖足咁多年，伊健在今年 8月的演唱會慶功宴上，終於宣布會娶女友過門。有傳兩人會於末日「正日」 12.21拉埋，但由於時間太趕籌備唔切，最終決定將婚禮押後至 2013。一改再改，為免女友穀住條氣，伊健亦識做補鑊，週日便安排了東京甜蜜之旅，準備留喺日本，二人世界，倒數末日。

上週六出席完澳門的打手印活動，翌日（ 16日）伊健即與 YoYo飛到東京旅行，慶祝冬至兼攬住過末日。兩人刻意避開多港人出沒的新宿，選擇住在涉穀區的五星級酒店 Cerulean Tower Tokyu。該酒店的雙人房約 3千港元一晚，水頭充足的伊健當然畀得起。

放大圖片

伊健上房

YoYo全程負責與酒店職員溝通，戴住副眼鏡嘅伊健就單手推行李上房，分頭工作，好鬼合拍。

放大圖片

YoYo check-in

七年之癢十指緊扣

週日下午一點半，本刊發現伊健與零妝 YoYo在酒店 check-in，兩人相當有默契，伊健負責推行李、女友則負責攞房。 Check-in完，兩人原本十指緊扣搭𨋢上房，但眼利 YoYo發現記者，即兜後門離開。

拍拖快 7年仍然恩愛，據知兩人已鐵定下年結婚。被催婚多年，伊健首次在 8月演唱會上宣布娶 YoYo，雖然冇明確日子，但望見家鄉的 YoYo，早前忍唔住話自己放大假到 5月，暗示 5月前完婚，上月出席活動， YoYo話：「我開始睇緊結婚資料……出年先派帖，請大家畀啲時間我去準備。」

放大圖片

今年 8月，一向低調處理感情嘅伊健，罕有喺演唱會上公開應承娶 YoYo。

放大圖片

上週六同林嘉欣等人去完澳門打手印活動，翌日伊健即拖女友去東京歎二人世界。

1年去 3次

放大圖片

港人愛遊日，熱愛日本科技及文化的鄭伊健，亦對日本情有獨鍾， 2012年內已與蒙嘉慧起碼去咗 3次，又玩雪又去果園摘柿，除咗東京，蒙麵近年亦愛上九州，難怪有傳兩人會揀喺日本行禮。不過即使唔係行禮，今次都好大機會係買結婚用品。

.[FACE]最後浪漫　婚期拖住　蒙麵日本倒數末日
http://veryy8.blogspot.com/2012/12/face_4143.html.[FACE]最後浪漫　婚期拖住　蒙麵日本倒數末日
http://veryy8.blogspot.com/2012/12/face_4143.html