2012年12月19日 星期三

[FACE]志偉狂碌咭 小生花旦變巨星

嘉玲照起 <br><br>上週六( 15日),亞太影展頒獎禮前,劉嘉玲著上低 V透視晚裝行紅地氈,真空晚裝露出湯碗胸,成為全場焦點。


FBI

志偉狂碌咭 小生花旦變巨星

2012年12月19日

上週五( 14日)第 55屆《亞太影展頒獎禮》喺澳門威尼斯人酒店開幕。話曬叫亞太影展,以為場面一定好 grand同星光熠熠, FBI都專程搭船過大海睇星。

點知 FBI去到,仲以為自己去咗 TVB頒獎。事關由上週五嘅記招到週六晚嘅頒獎禮,出席嘅電影界紅星寥寥可數,數得出嘅巨星只有劉青雲同梁家輝,而大部分嘉賓都係 TVB姐仔同小生。好彩擔任評審嘅劉嘉玲,無論行紅地氈至頒獎都著住條低 V透視晚裝,露出湯碗胸,先至令成個影展有番啲星光。

FBI收到風,原來今次大會嘉賓,好似劉嘉玲、成龍、甚至一班 TVB藝員都係靠志偉先請到,而今次志偉除身兼頒獎禮司儀外,仲係大會籌委會執行主席,如果唔係志偉碌爆人情咭,真係驚成個騷變咗萬千星「虧」頒獎禮。

放大圖片

身兼司儀同大會籌委會執行主席嘅志偉當日親自迎接嘉玲。亞太影展已有 58年歷史,現時已有 22個亞太國家或城市參與此影展,包括東京、首爾、香港及澳門,但近年多次因經費不足而停辦,今年輪到澳門主辦,可惜號召力不及當年,所以搵星做嘉賓都要搵曾志偉幫手。

放大圖片

劉青雲雖然攞唔到「最佳男主角」獎,但佢有份主演嘅《奪命金》就攞咗「最佳影片」,當晚青雲就代缺席嘅杜琪峯由劉嘉玲手上接過獎項。原來杜琪峯去咗飲小柏林婚宴,真唔畀面!

放大圖片

子珊自摸

放大圖片

志偉同 TVB關係良好,一出聲 TVB姐仔個個畀面赴會,而一姐徐子珊除穀胸行紅地氈外(右圖),更於頒獎禮跳舞表演助興,仲玩自摸,交足功課。

放大圖片

香香火辣

今年憑 TVB《巴不得媽媽》升呢嘅新女神岑麗香,亦孖住高鈞賢一齊行紅地氈。香香著紅裙行紅地氈,畫面夠曬火辣。

放大圖片

Bosco頒獎

黃宗澤同謝天華就有份上台頒「最佳攝影獎」,仲搞爛 gag話:「𠵱家啲人食嘢,唔係人食先,係相機食先。」由電視小生頒電影幕後獎,感覺騎呢。



.[FACE]志偉狂碌咭 小生花旦變巨星
http://veryy8.blogspot.com/2012/12/face_19.html