2012年9月13日 星期四

[壹週刊]大 S幸福硬膠面

以前 嘅 V煞面早已消失於天與地,加埋塊硬膠面,台灣美容達人變嚇人!


國台扮

大 S幸福硬膠面

2012年09月13日

上個禮拜大 S響台灣出席護膚品活動,著條白色直身裙,零腰,未算驚嚇,塊面硬到唔識鬱,驚過 7月 14見鬼。大 S肥 咗唔怕認,仲話老公汪小菲不知幾 Like,認為自己全身充滿住幸福脂肪,老實,咁另類 嘅幸福,我唔想要。

飲雞湯求子

大 S茹素多年,但為 咗生仔,決定破例飲雞湯補身:「大魚大肉我是吃不了,但只要醫生建議對身體健康,喝雞湯我可以接受。」

除 咗飲雞湯求子,開始嘗試採用偏方,包括睡前睇 DVD培養情緒:「朋友送我『好孕棉』擺在床上,也會搭配枸杞或四物湯等中藥,我們通常只看 DVD,然後自然而然……希望能有好消息。」至於乜 嘢 DVD?大 S冇講,大家心照算!

放大圖片

大會放 咗張大 S舊照,當時佢 25歲,大 S睇得好入神、好懷念。

又肥又膠

全職做少奶奶,大 S專心造人一年有多,個肚仲未有動靜,體重更不斷上升,佢將身上脂肪積聚 嘅責任,歸咎老公汪小菲:「主要是婚後比較幸福,我老公喜歡我現在的樣子,以前太像紙片人了,現在狀態真的比較健康,以前平均 40公斤,忽胖忽瘦只在臉。」

強調肥面不肥身,不過塊硬膠面,或者同打針有關。永遠 keep住一號笑容,奇就奇在唔明大 S點解唔打埋下巴,你睇嚇林志玲,係就係硬 咗 啲,起碼輪廓分明,既然都係唔識鬱,點解唔打埋呢!

放大圖片

仲未有仔生,大 S唯有幫細妹小 S湊 B過手癮,早兩日仲 響微博有感而發:「婚前,每餐量卡路里、每天量體重、挨(捱)餓舉重。婚後,每天測排卵、每月算經期、生怕沒中。現在,怕重更怕沒中!」

放大圖片

唔使大 S,台灣第一名模林志玲亦早早加入硬膠族,睇見電影《富春山居圖》呢張劇照,我嚇 咗一跳!



.[壹週刊]大 S幸福硬膠面
http://hk8news-d.blogspot.com/2012/09/s_13.html