2012年9月13日 星期四

[壹週刊]推後 2年娶 Lynn 城城馬爾代夫陪玩氹番

算你識做!(設計對白) <br><br>開心番啦!(設計對白)


探熱針

推後 2年娶 Lynn 城城馬爾代夫陪玩 氹番

2012年09月13日

郭富城跟熊黛林( Lynn)拍拖六年,感情愈來愈浮面,今個情人節因爆出「鑽石吊墜風波」激嬲女友,城城亦即時呵番,公開二人「正常發展」。其後熊黛林被指逼婚不遂,城城再向女友派定心丸,表示 50歲前必定結婚。

據了解,一度有意今年結婚的城城,早前決定將婚期延後兩年,為免女友心多胡思亂想,他亦 plan好冧 Lynn大計,下月中將帶城嫂到馬爾代夫享受陽光與海灘。浪漫補鑊!

打風打唔甩

近月為巡迴演唱會《舞臨盛宴》周圍飛的郭富城,八月中在台灣一站慶功宴突然自爆五十歲前結婚,又揚言身體狀況正值黃金期,唔怕做「老爸」。面對男友開出期票,一直恨嫁的熊黛林唯有配合,向外透露只是熊母日講夜講想抱孫,自己仍然等得。

「阿 Lynn好想結婚,成日都提住生 BB就要趁後生,佢今年已經三十一歲,梗係希望可以早啲搞掂。佢哋真係有 plan過今年結婚,仲同公司請咗假,但城城實在仲有好多嘢未做,佢亦覺得可以再搏多陣,於是將婚期改到兩年後,所以阿 Lynn好唔開心。不過城城都即時做嘢 氹番佢,完咗演唱會同《寒戰》宣傳,就會同阿 Lynn去馬爾代夫玩一個星期。雖然押後婚期,不過阿 Lynn都知自己好穩陣,近兩年大時大節,城城都帶住佢同啲朋友一齊慶祝,個個都叫佢阿嫂,應該打風都打唔甩。」知情者說。

放大圖片

上週一,熊黛林同父母行 IFC,康復得七七八八的熊父精神爽利。

放大圖片

逗留 20分鐘,一行三人到停車場攞車離開。

精神好轉

有男友安排十月補鑊之旅,加上四月證實患惡疾的熊父又康復得七七八八,心情大好的熊黛林,上週一(九月三日)中午,與來港接受化療後,已有明顯好轉的熊父,及悉心打扮的熊母行 IFC。

一行三人先醫肚,再到商場內的名店 shopping。兩母女在手袋專門店 Furla行了一圈,即有斬獲,分頭行自己去睇男裝的熊父兩手 fing fing,無嘢啱!在 IFC逗留了二十分鐘左右,拎住一大袋戰利品的熊黛林亦收手,揸車送父母返回大坑道寓所休息。

放大圖片

郭富城跟一班老友沈嘉偉(右二)、張智霖(右一)等不時相約食飯,穩坐阿嫂的熊黛林已經經常孖住出席。

放大圖片

城城孭飛的《寒戰》跟女友有份演出的《男人如衣服》打對台,她又識做叫大家先睇《寒戰》,然後才捧她場。

放大圖片

熊黛林日前出席活動,以揀鞋比喻城城既貼心又靚仔,似乎已接受婚期又拖遲兩年的事實。

放大圖片

郭富城於 11年底的跨年演唱會,熊黛林連睇三場,尾場更帶埋父母(右一、二)捧場。

耍花槍

郭富城、熊黛林戀情拖拉六年,今年初,二人不時隔空傳情耍花槍,「富黛戀」愈來愈公開。

鬧交

2月底 熊黛林公開在情人節收到城城的「鑽石吊墜」禮物,城城卻在同日的另一公開活動否認其事,被指口供唔夾鬧大交。

嗌分手

3月初 難以下台的熊黛林突然發表單身宣言「朋友係朋友,唔使再誤會落去」,之後傳出二人分手消息。

補鑊

3月中 城城首度為熊黛林平反,指有些報導委屈了女友,更重申二人仍舊在發展,擺明補鑊。

一拖再拖

8月底 城城希望事業再創高峰,預言 50歲前會結婚,又隔空讚女友:「身邊人會很辛苦,但會體諒同明白我。」

唔心急

8月初 熊黛林為配合男友半百結婚一事,公開聲明:「我唔心急,好多藝人到 30、 40歲先生 BB。」



.[壹週刊]推後 2年娶 Lynn 城城馬爾代夫陪玩氹番
http://hk8news-d.blogspot.com/2012/09/2-lynn.html